Քաղաքակրթական ներուժը կեցության բարձրագույն արժեք է:

Մարինա Դավիդովա․ « Իմ ձայնը պետք է լսելի լինի»

11.25.2022


Ռուսաստանցի հայտնի թատերական քննադատ, «Տեատր» հանդեսի գլխավոր խմբագիր, Ռուսաստանի կողմից Ուկրաինայի դեմ սանձազերծած պատերազմից հետո Եվրոպա արտագաղթած Մարինա Դավիդովան նշանակվել է Զալցբուրգի փառատոնի դրամատիկական ուղղության ծրագրի համակարգող։ Այդ մասին տեղեկացնում է «taglur.am»֊ը՝ հղում անելով «teatral-online.ru»֊ին։

Զալցբուրգի փառատոնի կառավարիչ Մարկուս Հինթերհոյզերը կարծիք է հայտնել, որ Մարինա Դավիդովայի ղեկավարությամբ միջազգային երաժշտական կյանքում մեծ դերակատարություն ունեցող իրենց միջոցառումը կստանա առավել մեծ ընդգրկում։

«Յուրաքանչյուր հայտնի մարդ, այդ թվում նաև մշակութային ոլորտին պատկանող, իր խոսքերով ձևավորում է հանրային կարծիք։ Քաղաքական ցնցումների պահերին նրա ձայնն առանձնահատուկ կարևոր է։ Եվ ես անձամբ գտնում եմ, որ իմ ձայնը պետք է լսելի լինի։ Բայց արվեստը չպետք է դառնա ոչ գրաքննության զոհ, ոչ այսրոպեական քաղաքական հանգամանքների կամ փոփոխվող հասարակական կարծիքների պատանդ»,֊ նշել է Դավիդովան և ավելացրել, որ իր նոր աշխատանքն առաջին հերթին հետաքրքրում է թատերական հետազոտությունների համոզչության և խորքայնության առումով։

Մարինա Դավիդովան Ռուսաստանից հեռացել է 2022թ․֊ի մարտին։ Մինչ այդ նա հանդես էր եկել Ռուսաստանի կողմից Ուկրաինայում «հատուկ ռազմական գործողության» դեմ հրապարակմամբ, որից հետո իր հասցեին ստանում էր սպառնալիքներ։






Լուսանկարն՝ ըստ հղման աղբյուրի։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 331 անգամ