Քաղաքակրթական ներուժը կեցության բարձրագույն արժեք է:

Հայաո Միյաձակին վերադարձել է կինոնկարահանման տաղավար

12.13.2022



Ճապոնացի հայտնի անիմատոր Հայաո Միյաձակին, որն ավելի վաղ հայտարարել էր աշխատանքային գործունեությունը դադարեցնելու մասին․2023թ․֊ի ամռանը կթողարկի «Ինչպե՞ս եք ապրում» (How do you live?/ Kimi wa dou ikiru ka?) նոր անիմացիոն կինոնկարը։ Այդ մասին տեղեկացնում է «Թագլուրը»՝ հղում անելով «ՏԱՍՍ»֊ին։

Ֆիլմը նկարահանվել է նրա հայրենակից գրող Յոսինո Գունձաբուրոյի 1937թ․֊ին հրատարակված գրքի հիման վրա։

Միյաձակին անիմացիայի ոլորտում ճապոնական կինոակադեմիայի կողմից տարվա լավագույն ֆիլմի համար մրցանակի արժանացած առաջին անիմատորն է (1997թ․ «Արքայադուստր Մոնոնոկեն» ֆիլմի համար)։

Միյաձակիի 2001թ․֊ին թողարկած «Ուրվականներից քշվածները» կինոնկարը համարվում է իր ժամանակաշրջանի պաշտամունքային գործերից մեկը։ Այն արժանացել է ճապոնական կինոակադեմիայի մրցանակի, Բեռլինի միջազգային կինոփառատոնի «Ոսկե արջին» (2002թ), «Օսկարի» (2003թ․):

2013թ․֊ին Միյաձակին հայտարարեց կարիերան ավարտելու մասին, սակայն 2017թ․֊ին վերադարձավ գեղարվեստական անիմացիայի աշխարհ հենց այն նպատակով, որպեսզի աշխատի «Ինչպե՞ս եք ապրում» կինոնախագծի վրա։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 235 անգամ