Քաղաքակրթական ներուժը կեցության բարձրագույն արժեք է:

Առաջարկել են Մելաձեին զրկել կոչումներից և Ռուսաստանի քաղաքացիությունից

03.29.2023

Ռուսաստանի Գլխավոր դատախազությունը ստացել է գրություն, որով հեղինակը խնդրել է ստուգել երգիչ Վալերի Մելաձեի Ուկրաինայի զինված ուժերին ֆինանսավորելու մասնակցությունը։ Այդ մասին տեղեկացնում է «taglur.am»֊ը՝ հղում անելով «ria.ru»֊ին։

Այդ գրության հեղինակը Անվտանգության և կոռուպցիայի դեմ պայքարի դաշնային նախագծի ղեկավար Վիտալի Բորոդինն է։ Նա նաև նշել է, որ Մելաձեի համերգային գործունեությունը Ռուսաստանում թեև սահմանափակվել է, սակայն նա ակտիվ ելույթներով հանդես է գալիս արտասահմանում։

«Շատ քաղաքացիների մոտ հարց է ծագել, թե արդյո՞ք Մոսկվայում և Դուբայում կորպորատիվներում աշխատած դրամական միջոցները չեն ուղղվում որպես օժանդակություն, Ուկրաինայի զինված ուժերին»,֊ գրել է Բորոդինը։

Նա նաև նշել է, որ Մելաձեն մեկ անգամ չէ, որ քննադատորեն է արտահայտվել «հատուկ գործողության» մասին, իսկ հունվարին, Դուբայում կայացած կորպորատիվ համերգի ժամանակ պատասխանել է «ուկրաինական նացիոնալիստներին»։

Այս ամենից հետո Պետդումայում առաջարկել են Մելաձեին զրկել կոչումներից և Ռուսաստանի քաղաքացիությունից։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 210 անգամ