Քաղաքակրթական ներուժը կեցության բարձրագույն արժեք է:

Մեկնարկել է Կաննի 76֊րդ միջազգային կինոփառատոնը

05.17.2023


Նախօրեին Ֆրանսիայի Կանն քաղաքում 76֊րդ անգամ մեկնարկած ամենամյա միջազգային կինոփառատոնի բացումը տեղի է ունեցել ռեժիսոր Մայվեն Լե Բեսկոյի «Ժաննա Դյուբարրի» կինոնկարի ցուցադրմամբ։ Ֆիլմի ցուցադրությունից հետ դահլիճը 7 րոպե օվացիայով իր հիացմունքն է արտահայտել ֆիլմի հեղինակներին և գլխավոր դերակատար Ջոնի Դեփին, որը մեծ էկրանում կրկին երևացել էր երեքամյա ընդմիջումից հետո։

Այս տարի նշանավոր կինոփառատոնը ներկայանում է բազմաժանր և հետաքրքիր այնպիսի կինոնկարների հավաքածոյով, որոնք ներկայացնում են սոցիալական օրակարգ, էրոտիկ դրամաներ, նացիստների, դասակարգային փախստականների, պատմական սարսափներ և այս փառատոնի ամենաերկարը համարվող 10 ֆիլմեր․․․

Կինոստուգատեսի ժյուրին գլխավորում է «Քառանկյուն» և «Թախծի եռանկյունի» ֆիլմերի համար նախկինում արդեն երկու անգամ «Ոսկե արմավենու ճյուղի» դափնեկիր դարձած, շվեդ կինոռեժիսոր Ռուբեն Էսթլունդը։ Հիմնական մրցույթում այս տարի ընդգրկվել են 21 կինոնկարներ։

Մասնագիտական շրջանակները «Կանն֊76֊րդի» հավանական հաղթողներին թվարկելիս բարձրաձայնում են բրիտանացի Քեն Լոուչի, գերմանացի Վիմ Վենդերսի, իտալացի Նաննի Մորետտիի, թուրք Նուրի Բիլգե Ջեյլանի և ճապոնացի Հիրոկաձու Քորեէդի անունները։

Նշենք, որ փառատոնի մրցութային 21 ֆիլլմերից 7-ը նկարահանել են կին ռեժիսորներ։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 165 անգամ