Քաղաքակրթական ներուժը կեցության բարձրագույն արժեք է:

Պիկասոն Էլ Գրեկոյի, Ռուբենսի և մյուսների բնօրինակներով համադրելու հնարավորություն

10.04.2023

2023 թ․֊ի ապրիլի 8֊ին լրացել է Պաբլո Պիկասոյի մահվան 50֊ամյակը։ Այսօր, հոկտեմբերի 4֊ին արվեստագետի հիշատակի օրվան նվիրված, Իսպանիայի մայրաքաղաքում, Մադրիդի «Թիսեն֊Բորնեմիսա» Ազգային թանգարանում, կբացվի «Պիկասսո։ Ծիսական և Պրոֆեսիոնալ» վերտառությամբ ցուցահանդեսը։ Այդ մասին տեղեկացնում է «Թագլուրը»՝ հղում անելով «ru.euronews.com»֊ին։

Ցուցահանդեսում այցելուների ուշադրությանը կներկայացվի 30 աշխատանք, որոնք արտացոլում են, թե ինչպես է նկարիչը համարձակորեն անդրադարձել դասական և հուդայա֊քրիստոնեական թեմաներին՝ անցյալի շատ դետալներ օրգանապես տարալուծելով իր աշխատանքներում և մտորել գեղանկարի բուն էության մասին։

Ցուցադրանքում ներկայացված ստեղծագործությունները ցույց են տալիս Պիկասոյի մշտական ձգտումը իր արվեստը նոր թարմ եղանակներով ներկայացնելու անդադար գործընթացում, սահմանները հաղթահարելու նորարական ոգին և արվեստի դարավոր պատմությունը վերիմաստավորելու ցանկությունը։

Պիկասոյի այդ աշխատանքները ներկայացված են թանգարանի երեք ցուցասրահներում՝՝ Էլ Գրեկոյի, Ռուբենսի և այլ նկարիչների վրձնած դիմանկարների, կենցաղային սյուժեների, կրքի և բռնության հակադարձ թեմաներ պատկերող կտավների հետ։ Ցուցադրանքը կազմակերպելու այս եղանակն այցելուներին ասես հրավեր է կատարելու համեմատություն և համադրել Պիկասոյի գործերը տարբեր նկարիչների գործերի հետ։

Մադրիդի Ազգային թանգարանում Պիկասոյի հիշատակին նվիրված ցուցահանդեսը կգործի մինչև 2024թ․֊ի հունվարի 14֊ը։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 187 անգամ