Քաղաքակրթական ներուժը կեցության բարձրագույն արժեք է:

Ալեքսանդր Սոկուրով․ «Իմ կյանքի ժամանակը կրկին կանգ առավ»

10.17.2023


Ռուսաստանի Մշակույթի նախարարությունը արգելել է Մոսկվայում հոկտեմբերի 10-15֊ին կայացած «ԿԱՐՕ֊Արթ» ամենամյա փառատոնում հայտնի ռեժիսոր Ալեքսանդր Սոկուրովի միջոցառման եզրափակիչ հատվածի համար նախատեսված «Հեքիաթ» ֆիլմի ցուցադրությունը։ Այդ մասին տեղեկացնում է «Թագլուրը»՝ հղում անելով «echofm.online»֊ին։

«Իմ կյանքի ժամանակը կրկին կանգ առավ։ Օգնություն չեմ խնդրում, ինչպես նախկինում, ինձ ոչ ոք չի կարող օգնել։ Ակնհայտ է, առջևում «Հեքիաթին» վարձույթի վկայական տալու մերժումն է՝ գրաքննչական արգելքն իմ ֆիլմը հայրենիքում ցուցադրելու համար։ Եվ անձայն արգելք ավելի վաղ ստեղծված իմ բոլոր կինեմատոգրաֆիական գործերը ցուցադրելու վերաբերյալ»,֊ սոցցանցում հայտարարություն է տարածել ռեժիսորը և ընդգծել, որ ինքը բողոքում է ոչ թե պարզապես գրաքննության դեմ, այլ բողոքում է հայրենակիցների հետ ստեղծագործությունների միջոցով հաղորդակցվելու իր սահմանադրական իրավունքները խախտելու համար։

Ալեքսանդր Սոկուրովի «Հեքիաթ․ ֆիլմի հերոսները Հիտլերը, Ստալինը, Մուսսոլինին և Չերչիլն են, որոնք միասին հայտնվում են միագույն քավարանում։
«ԿԱՐՕ֊Արթ֊2023» հեղինակային կինոյի Մոսկվայի փառատոնում կայացել է 35 կինոդիտում և ֆիլմերի ստեղծագործական անձնակազմերի հետ հանդիպում ; Ընդհանուր առմամբ փառատոն է այցելել 6 հազար հանդիսատես։





Այս թեմայով այլ հղումներ-1


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 270 անգամ