Քաղաքակրթական ներուժը կեցության բարձրագույն արժեք է:

ՌԴ֊ն հրաժարվում է ոչ բարեկամ երկրներում թողարկված երաժշտական գործիքներից

10.19.2023


Ռուսաստանում որոշել են ոչ բարեկամ երկրներից ֆիլհարմոնյաների և կոնսերվատորիաների համար նախատեսված համերգային դաշնամուրներ ներկրելու փոխարեն սկսել դրանց սեփական արտադրությունը։ Այդ մասին տեղեկացնում է «Թագլուրը»՝ հղում անելով «iz.ru»֊ին։

Ասենք, որ այս պահին այդ երկրում առկա համերգային դաշնամուրները հիմնականում արևմտյան արտադրության են՝ Steinway & Sons (ԱՄՆ), August Forster (Գերմանիա), Yamaha (Ճապոնիա) և այլն։

Այդ խնդիրը որոշել է լուծել «Ակկորդ» դաշնամուրների գործարանը։ Այդ մասին հայտարարել է Ռուսաստանի Երաժշտական գործիքների և սարքավորումների արդյունաբերության մասնակիցների ասսոցիացիայի տնօրեն Մաքսիմ Գուզինինը։

Նա նաև նշել է, որ նախկինում այդ ընկերությունը թողարկել է սենյակային դաշնամուրներ, իսկ դրանց համերգային տարբերակները արտադրական առումով շատ ավելի բարդություններ են պարունակում։ Նա նաև հայտարարել է, որ Ռուսաստանում տեղական հումքով սկսում են փողային գործիքների արտադրությունը։





Լուսանկարն՝ ըստ հղման աղբյուրի։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 116 անգամ