Քաղաքակրթական ներուժը կեցության բարձրագույն արժեք է:

Յուրաքանչյուր 6֊րդ մշակութային ժառանգություն գտնվում է սպառնալիքի տակ

01.23.2024

Հուշարձանների համաշխարհային հիմնադրամը (WMF) հայտարարել է, որ ավելի քան 15 մլն դոլար է հատկացրել մշակութային ժառանգության պահպանմանն ուղղված նախագծերի համար՝ կապաված կլիմայի փոփոխության հետ։ Այդ մասին տեղեկացնում է «Թագլուրը»՝ հղում անելով «artguide.com»֊ին։

Ֆինանսավորումը իրականացվելու է WMF֊ի «Climate Heritage Initiative» նախաձեռնության շրջանակներում։

Համաձայն UNESCO-ի վերջին տվյալների, յուրաքանչյուր 6֊րդ մշակութային ժառանգությանը կլիմայի փոփոխությունների հետևանքով գտնվում է սպառնալիքի տակ։

Ընթացիկ տարում WMF֊ի նախաձեռնությունն ընգրկելու է նաև պատմական այգիները կլիմայական փոփոխություններին հարմարեցնելու, մերձափնյա ժառանգության օբյեկտների գլոբալ ցանց ձևավորելու և փորձի փոխանակման ուղղությամբ՝ կապված ծովի մակարդակի բարձրացման, ալեկոծության հետևանքով առաջացող հեղեղումների և հողի էրոզիայի հետ։ Այդ ուղղությամբ արդեն նախատեսված է, որ մի քանի նախագծեր պետք է իրականացվեն Հնդկաստանում, Նեպալում և Պերույում։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 192 անգամ