Քաղաքակրթական ներուժը կեցության բարձրագույն արժեք է:

Շուտով «Օսկարը» կշնորհվի 25 անվանակարգերում

02.09.2024


Ամերիկայի կինոակադեմին «Օսկար» մրցանակաբաշխության անվանակարգերի թիվն ավելացրել է ևս մեկով։ Այսուհետ անցած մեկ տարում թողարկված կինոնկարները կգնահատվեն նաև դերասանների լավագույն քասթինգի համար։ Այդ մասին տեղեկացնում է «Թագլուրը»՝ հղում անելով « lenta.ru»֊ին։

Նոր անվանակարգը կշնորհվի 2026 թվականին, մրցանակաբաշխության 98֊րդ հանդիսավոր արարողության ժամանակ։ Արձանիկը կտրվի ֆիլմերի քասթինգ֊տնօրեններին։

Թեկնածուների ընտրության կարգը հայտնի կդառնա 2025թ․֊ի ապրիլին։

«Քասթինգ տնօրենները կարևոր դեր են խաղում կինոարտադրության մեջ, և Ակադեմիայի զարգացման հնարավորությունների չափով մենք հպարտությամբ ավելացնում ենք քասթինգը անվանակարգերին, որոնք մենք ընդունում ենք և գնահատում»,֊ հայտարարություն է տարածել Ակադեմիան։

Վերջին անգամ «Օսկար» մրցանակաբաշխության անվանակարգերի մեջ ավելացումը կատարվել է 2001թ․֊ին։ Արձանիկներ սկսեցին շնորհվել նաև լավագույն անիմացիոն կինոնկարներ ստեղծողներին։

Այսպիսով, «Լավագույն քասթինգի համար» մրցանակը «Օսկարի» անվանակարգերի թիվը կհասցնի 25֊ի։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 53 անգամ