Քաղաքակրթական ներուժը կեցության բարձրագույն արժեք է:

«Մալբորո» պատկերասրահը կդադարեցնի գործունեությունը

04.19.2024

Մոտ 80֊ամյա գործունեությունից հետո հունիսին իր աշխատանքները կդադարեցնի արվեստի ոլորտում աշխարհի հայտնի առևտրային պատկերասրահներից մեկը՝ Լոնդոնի «Մալբորո» պատկերասրահը։ Այդ մասին տեղեկացնում է «Թագլուրը»՝ հղում անելով « «kulturologia.ru»֊ին։

«Երկարատև և մանրակրկիտ մտորումներից հետո մենք որոշել ենք, որ եկել է ժամանակը փակելու մեր 80֊ամյա ֆիրման»,֊ հայտարարել է պատկերասրահի Հոգաբարձուների խորհրդի անդամ Ֆրանց Պլուչովը։

Պատկերասրահի Լոնդոնում, Նյու֊Յորքում, Բարսելոնում և Մադրիդում գտնվող բոլոր խանութները կփակվեն և կվաճառվեն։ Կվաճառվեն նաև պատկերասրահում գտնվող հազարավոր արվեստի գործերը և նրա ողջ գույքը։

Այդ վաճառքից առաջացած շահույթի մի մասը կհատկացվի ոչ առևտրային մշակութային հաստատություններին, որոնք օժանդակում են ժամանակակից նկարիչներին։

Պատկերասրահը փակելու պատճառները չեն հրապարակվել։

«Մալբորո» պատկերասրահը հիմնադրվել է 1946թ․֊ին՝ 1938թ․֊ին ավստրիայից բրիտանա տեղափոխված էմիգրանտ, ազգությամբ հրեա Ֆրենկ Լլոյդի և նրա Վիենացի գործընկեր Հարրի Ֆիշերի կողմից։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 53 անգամ