Քաղաքակրթական ներուժը կեցության բարձրագույն արժեք է:

Մեկնարկել է «Կանն֊77»

05.15.2024


Նախորդ օրը, մայիսի 14-ին մեկնարկել է Կաննի 77-րդ կինոփառատոնը։

Կաննում առաջին փառատոնը հայտարարվել է 1939 թվականին։ Դրա նախաձեռնողը Ֆրանսիայի կրթության նախարար Ժան Զայն էր, իսկ ժյուրիի պատվավոր նախագահը՝ «կինոյի հայրը» Լուի Լյումիերը։ Առաջին փառատոնի բացումը կայացել է օգոստոսի 31-ին, սակայն հաջորդ օրը կինոդիտումները չեն կայացել քանի որ սկսվել է պատերազմը։

Այդ պատճառով այս մշակութային միջոցառման տարիքը հաշվարկելու համար հետհաշվարկը սկսվում է հետպատերազմյան 1946թ.֊ից։

Նախկինում փառատոնի ժյուրին հաճախ գլխավորում էին գրողները, դրամատուրգները, գիտնականները։ Սակայն այժմ այն ​​հիմնականում ղեկավարում են կինոգործիչները։ Այս տարի Կաննի ժյուրին նախագահում է ամերիկացի Գրետա Գերվիգը, որն, ի դեպ, առաջին կին ռեժիսորն է որ ստանձնում է այս կարևոր աշխատանքը։ Նա հայտնի է 2023 թվականի իր նկարահանած հիթային «Բարբի» ֆիլմով։

Ժյուրիի կազմում ընդգրկված են թուրք սցենարիստ և լուսանկարիչ Էբրու Ջեյլանը, ամերիկացի դերասանուհի Լիլի Գլադստոնը, ֆրանսիացի դերասանուհի Եվա Գրինը, լիբանանցի ռեժիսոր և սցենարիստ Նադին Լաբակին, իսպանացի ռեժիսոր, պրոդյուսեր և սցենարիստ Խուան Անտոնիո Բայոնան, իտալացի դերասան Պիերֆրանչեսկո Ֆավինոն, ճապոնացի ռեժիսոր Կորեդա Հիրոկազուն և ֆրանսիացի դերասան ու պրոդյուսեր Օմար Սին։

Ժյուրին պատիվ կունենա «Ոսկե արմավենու ճյուղ» շնորհել մրցութային 22 ֆիլմերից մեկին։ Հաղթողները հայտնի կդառնան շաբաթ օրը՝ մայիսի 25-ին։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 59 անգամ