Ալժրցի գրող Քամել Դաուդը ֆրանսիական Գոնկուրյան մրցանակի դափնեկիր
11.04.2024
2024թ․֊ին Ֆրանսիական ամենահին և ամենահեղինակավոր ամենամյա գրական Գոնկուրյան մրցանակին արժանացել է ալժիրցի գրող և լրագրող Քամել Դաուդը՝ իր «Գուրիա» վեպի համար: Նրա օգտին քվեարկել են ժյուրիի վեց անդամներ, ասվում է մրցանակի կայքում:
Պարոն Դաուդն այս վեպում անդրադառնում է 1960-ականներին Ալժիրի անկախության պատերազմին և 1990-ականներին Ալժիրի կառավարության և արմատական իսլամիստական խմբավորումների միջև քաղաքացիական պատերազմի իրադարձություններին: «Վեպը ցույց է տալիս, թե ինչպես է գրականությունը, իրականությունը նկարագրելու իր ազատության և հուզական ինտենսիվության մեջ, պատմության հետ մեկտեղ, նկարում ևս մեկ հիշարժան պատկեր», - ասվում է փառատոնի ժյուրիի հայտարարության մեջ:
Քամել Դաուդը 54 տարեկան է։ Նա ծնվել է Ալժիրի Մոստագանեմ նավահանգստային քաղաքում։ Սովորել է ֆրանսիական գրականություն Օրանի համալսարանում։ Նա աշխատել է ալժիրյան ֆրանսալեզու «Le Quotidien d՝Oran» թերթում, որտեղ էլ այժմ շարունակում է աշխատել որպես սյունակագիր։ Դաուդի հոդվածները տպագրվում են նաև աշխարհի բազմաթիվ ամսագրերում։
Նրա առաջին վեպը՝ «Մերսոյի հետաքննությունը», հրատարակվել է 2013 թվականին և ընդգրկվել է Գոնկուրի մրցանակի կարճ ցուցակում։
.jpg)
