Հեղինակային իրավունքը և արհեստական բանականությունը ԱՄՆ֊ում
02.03.2025
ԱՄՆ հեղինակային իրավունքի բյուրոն որոշում է կայացրել հեղինակային իրավունքի վրա արհեստական բանականության օգտագործման ազդեցության մասին։ Այդ մասին տեղեկացնում է «Թագլուրը»՝ հղում անելով «artguide.com»֊ին։
Բյուրոն հաշվի է առել, որ «տեքստային հարցումները (որոնց հիման վրա արհեստական բանականությունը ստեղծում է բովանդակություն) չեն ապահովում մարդկային բավարար վերահսկողություն արհեստական բանականության համակարգի օգտատերերին բովանդակության հեղինակ դարձնելու համար»:
«Այնտեղ, որտեղ արհեստական բանականությունը պարզապես օգնում է հեղինակին ստեղծագործական գործընթացում, դրա օգտագործումը չի չեղարկում արդյունքի հեղինակային իրավունքը պաշտպանելու հնարավորությունը։ Մյուս կողմից, եթե բովանդակությունն ամբողջությամբ ստեղծվել է արհեստական բանականության միջոցով, այն չի կարող պաշտպանվել հեղինակային իրավունքով: Այս սահմանների միջև արհեստական բանականության միջոցով բովանդակության ստեղծումը կարող է ներառել մարդկային ներդրման տարբեր ձևեր և համակցություններ»,֊ նշված է որոշման մեջ։:
Ավելացնենք, որ ըստ փաստաթղթի, այս միջանկյալ դեպքերում որոշումները կկայացվեն անհատական հիմունքներով:
.jpg)
