Քաղաքակրթական ներուժը կեցության բարձրագույն արժեք է:

Բեմադրություն 7 կույր և խուլ դերակատարների մասնակցությամբ

10.13.2014

Այսօր, Հոկտեմբերի 13-ին, Մոսկվայի Ազգությունների պետական թատրոնում ժամանակակից արվեստի «Տերրիտերիա» 9-րդ միջազգային փառատոնի շրջանակներում կցուցադրվի թատերական փորձարարական նախագիծ, որտեղ ներգրավված են նաև կույր և խուլ դերակատարներ: Այդ մասին «ԻՏԱՐ-ՏԱՍՍ»-ի տեղեկատվությունը փոխանցում է ««taglur.am»-ը:

Ներկայացումը, որ կոչվում է «Ձեռնահասները», Եվգենի Միրոնովի ղեկավարած թատրոնն իրականացրել է կույր և խուլ մարդկանց խնդիրներով զբաղվող «Միացում» հիմնադրամի հետ:

Բեմադրության ռեժիսորն է Ռուսլան Մալիկովը:

«Մարդը չի տեսնում և չի լսում: Սակայն նա ունի նաև այլ օրգաններ, որոնք նրան հնարավորություն են տալիս ապրել: Նա ստիպված է աշխարհի հետ ծանոթանալ մատների ծայրով»,- նշել է Միրոնովը՝ ընդգծելով,որ այդ հիմնախնդրի բարձրացումը իրենց հերթական ձեռնարկն է:

Բեմադրության հիմքում կույր և խուլ երեխաների խնամքով զբաղվող Սերգեևո-Պոսադսկու մանկատան սաների և Տրոիցկի մոտ գտնվող Պուչկովո գյուղում գործող «Կույրերի և խուլերի տուն» ուսումնական կենտրոնի սովորողների կյանքից վերցված իրական պատմություններ են:

Թատրոնի հայտնի դերասաններ Ինգեբորգա Դապկունայտեի, Եգոր Բերևի, Օլեգ Սավցովի, Անաստասիա Պրոնինայի հետ ներկայացմանը մասնակցում են նաև 7 կույր և խուլ մարդիկ, որոնց թվում նաև հոգեբանության դոկտոր Ալեքսանդր Սուվորովը, բանաստեղծ և դերասանուհի Իրինա Պովոլոցկայան:

Այսօր կներկայացվի միայն բեմադրության էսքիզը, իսկ ներկայացման լիարժեք տարբերակը նախատեսվում է ցուցադրել 2015 թ.-ի մարտին: Նշենք, որ այդ ժամանակահատվածում Մոսկվան կհյուրընկալի իսրայելական «Նալահա՝աթ» թատրոնին, որտեղ բոլոր դերասանները լրիվ կամ մասնակի կույր կամ խուլ մարդիկ են:

Կուրությունը և խլությունը մարդու մոտ լինում է ի ծնե կամ նա այդպիսին է դառնում վաղ հասակում ձեռք բերելու կամ վնասվածք ստանալու հետևանքով: Հաճախ դրանք կապ են ունենում նաև համրության հետ: Պրոֆեսիոնալ ուսուցման և ժամանակակից տեխնոլոգիաների մատչելիության, ճիշտ թերապիայի և ջղային համակարգի զարգացման պարագայում կույր և խուլ մարդիկ (թե մեծերը և թե փոքրերը) կարող են ապրել լիարժեք կյանքով՝ դառնալով հասարակության լիարժեք անդամներ:
    Դիտվել է 451 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349>>հաջորդ