Քաղաքակրթական ներուժը կեցության բարձրագույն արժեք է:

Բրոդվեյում«Սուինի Թոդ»֊ը ցած կդնի հեդլայների կարգավիճակը

10.24.2023


46 շաբաթ անընդհատ ներկայացումների շարքից հետո Նյու֊Յորքի Բրոդվեյում հիթ համարվող «Սուինի Թոդ» հայտնի բեմադրությունը կավարտի հեդլայների կարգավիճակով իր մարաթոնը։ Մյուզիքլը, որը արժանացել է քննադատների, մասնագիտական հանրության և հանդիսատեսների ամենաբարձր գնահատականներին, գլխավոր դերակատարներ Ջոշ Գրոբանը և Աննալի Էշֆորդը կներկայացնեն վերջին անգամ 2024թ․֊ի հունվարի 14֊ին։ Այդ մասին տեղեկացնում է «Թագլուրը»՝ հղում անելով «deadline.com»֊ին։

Այսպիսի պաշտոնական հայտարարությունից հետո, սակայն, տոմսերի վաճառքի և ներկայացումը դիտելու հանդիսատեսների պահանջարկի արդյունքում բեմախաղը կերկարացվի մինչև եկող տարվա գարուն, որից հետո կհայտարարվի նոր քասթինգ անցկացնելու մասին։

Ասենք որ «Սուինի Թոդ» ֊ ի գլխավոր դերակատարներ Ջոշ Գրոբանը և Աննալի Էշֆորդը ներկայացվել և դարձել են ԱՄՆ֊ի թատերական «Օսկարի»՝ «Թոնի» մրցանակի հավակնորդներ։

Բրոդվեյի «Լանթ Ֆանթան» թատրոնի բեմադրությունը միայն ստեղծագործական հաջողություն չէ, որ բերել է պրոդյուսերներին; Այն, նաև սպասվածը գերազանցող դրամարկղային արդյունքներ է գրանցել։ Միայն հոկտեմբերի 15֊ին նախորդած մեկ շաբաթվա ընթացքում այս բեմադրության հասույթը կազմել է ավելի քան 1 մլն 700 հազար դրամ։

Հիմա ներկայացման հաջողության մակարդակը բարձր նիշի վրա պահելու համար պրոդյուսերներից պահանջվում շատ մեծ ուշադրությամբ իրականացնել փոխարինող դերասանական կազմի ընտրությունը։ Այդ խնդրի լուծման ընթացքը շատ բանով որոշվում է նաև այն հետևանքներով, որ ներկայացման բնականոն ընթացքի վրա ազդեցություն է ունեցել նաև Covid֊ը, երբ աստղերը ստիպված են եղել բաց թողնել ծրագրված ելույթները։ Այդ ժամանակ հանդիսատեսների հաճախումների 20 տոկոսի անկում գրանցվեց, թեև ներկայացման ֆանատների նվիրվածության և մյուզիքլում հանդես եկող աստղ Գրոբանի ձգողականության շնորհիվ հնարավոր է եղել զգալի բարձրության վրա պահել բեմադրության մասսայականությունը։

Ռեժիսոր Թոմաս Քեյլի բեմադրած մյուզիքլի ամբողջական վերնագիրն է․ «Սուինի Թոդ։ Հրեշ վարսավիրը Ֆլիթ֊սթրիթից»։ Երաժշտությունը և երգերի տեքստերի հեղինակն է Սթիվեն Սոնդհեյմը, իսկ ներկայացումը բեմադրվել է ըստ Հյու Ուիլլերի գրքի։

Նյու֊Յորքի Բրոդվեյից հետո ծրագրված է, որ «Սուինի Թոդը» կսկսի համաամերիկյան շրջագայություններ, որոնք կընդգրկեն 2024/25 և 2025/26 թատերաշրջանները։ Այդ շրջագայությունների քասթինգի մասին ժամկետները դեռ չեն հրապարակվել։





Լուսանկարն՝ ըստ հղման աղբյուրի։


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 226 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների