Փառատոն՝ բեմ տանող ճանապարհը դժվարությամբ գտնող դրամատուրգների համար 06.05.2019
Ռուսաստանի Վլադիվոստոկ քաղաքում այսօր բացվել է ժամանակակից դրամատուրգիայի «Մեթադրամա» խաղաղօվկիանոսյան միջազգային փառատոնը: Այն բացվել է դրամատուրգ Յուլիա Տուպիկինայի «Մայան և Կոշչեյը» պիեսի ընթերցմամբ: Այդ մասին տեղեկացնում է «taglur.am»-ը՝ հղում անելով «ՏԱՍՍ»ին:
Դրամատուրգիայի այս ստուգատեսի աշխատանքներին մասնակցում են հյուրեր Հարավային Կորեայից, Մալազիայից, Ռուսաստանի տարբեր քաղաքներից:
Սա նմանատիպ երկրորդ միջոցառումն է: Առաջինը կայացել է 2018թ.-ին, որին մասնակցել են միայն ռուսաստանցի դրամատուրգները: Հաշվի առնելով առաջին փառատոնի փորձը և դրական արդյունքները, կազմակերպիչները որոշել են 2019թ.-ին փոխել միջոցառման ձևաչափը, ընդարձակել նրա ընդգրկման սահմանները և հյուրընկալել նաև թատրոնի համար ստեղծագործող օտարերկրացի գրողների: Այն կտևի 5 օր, որի ընթացքում թատերասերները հնարավորություն կունենան ծանոթանալ այն պիեսներին ու հեղինակներին, որոնք դժվարությամբ են գտնում բեմ տանող ճանապարհը:
Փառատոնի ընթացքում կներկայացվեն նաև լիարժեք բեմադրություններ և ներկայացումների էսքիզներ:
«Մեթադրամա» խաղաղօվկիանոսյան միջազգային փառատոնն անցկացվում է Ռուսաստանի Պրիմորիեի երկրամասի երիտասարդական դրամատիկական թատրոնի և Վլադիվոստոկում բնակվող դրամատուրգ Վիկտորիա Կոստյուկևիչի նախաձեռնությամբ՝ Ռուսաստանի մշակույթի նախարարության և Պրիմորիեի մշակույթի դեպարտամենտի օժանդակությամբ:
Նշենք, որ փառատոնը անցկացվում է 2019թ.-ն Ռուսաստանում թատրոնի տարի հռչակելու նախագծի շրջանակներում:
Ռուսաստանի Վլադիվոստոկ քաղաքում այսօր բացվել է ժամանակակից դրամատուրգիայի «Մեթադրամա» խաղաղօվկիանոսյան միջազգային փառատոնը: Այն բացվել է դրամատուրգ Յուլիա Տուպիկինայի «Մայան և Կոշչեյը» պիեսի ընթերցմամբ: Այդ մասին տեղեկացնում է «taglur.am»-ը՝ հղում անելով «ՏԱՍՍ»ին:
Դրամատուրգիայի այս ստուգատեսի աշխատանքներին մասնակցում են հյուրեր Հարավային Կորեայից, Մալազիայից, Ռուսաստանի տարբեր քաղաքներից:
Սա նմանատիպ երկրորդ միջոցառումն է: Առաջինը կայացել է 2018թ.-ին, որին մասնակցել են միայն ռուսաստանցի դրամատուրգները: Հաշվի առնելով առաջին փառատոնի փորձը և դրական արդյունքները, կազմակերպիչները որոշել են 2019թ.-ին փոխել միջոցառման ձևաչափը, ընդարձակել նրա ընդգրկման սահմանները և հյուրընկալել նաև թատրոնի համար ստեղծագործող օտարերկրացի գրողների: Այն կտևի 5 օր, որի ընթացքում թատերասերները հնարավորություն կունենան ծանոթանալ այն պիեսներին ու հեղինակներին, որոնք դժվարությամբ են գտնում բեմ տանող ճանապարհը:
Փառատոնի ընթացքում կներկայացվեն նաև լիարժեք բեմադրություններ և ներկայացումների էսքիզներ:
«Մեթադրամա» խաղաղօվկիանոսյան միջազգային փառատոնն անցկացվում է Ռուսաստանի Պրիմորիեի երկրամասի երիտասարդական դրամատիկական թատրոնի և Վլադիվոստոկում բնակվող դրամատուրգ Վիկտորիա Կոստյուկևիչի նախաձեռնությամբ՝ Ռուսաստանի մշակույթի նախարարության և Պրիմորիեի մշակույթի դեպարտամենտի օժանդակությամբ:
Նշենք, որ փառատոնը անցկացվում է 2019թ.-ն Ռուսաստանում թատրոնի տարի հռչակելու նախագծի շրջանակներում:
 28.11.jpg)
.jpg)
