Բ. Էյֆմանը նկարահանում է ֆիլմ «արվեստի և կյանքի հավերժորեն ոչ նույնական հյուսվածության» մասին01.14.2020
Ռուսաստանցի հայտնի խորեոգրաֆ Բորիս Էյֆմանը նկարահանում է «Պիգմալիոնի էֆֆեկտը» ֆիլմ-ներկայացումը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Բեմադրության էկրանավորումը Սանկտ-Պետերբուրգցի ռեժիսորը սկսել է նախօրեին՝ հունվարի 13-ին: Նախատեսվում է, որ Լենսովետի մշակույթի տանն իրականացվող այդ աշխատանքները կավարտվեն հունվարի 26-ին:
Նկարահանումներին մասնակցում են հիմնականում Էյֆմանի հանրահայտ թատերախմբի արտիստները:
«Պիգմալիոնի էֆֆեկտը» ներկայացումը հանդիսատեսին առաջին անգամ ներկայացվել է 2019թ.-ի փետրվարին՝ Ռուսաստանի հյուսիսային մայրաքաղաքում:
Խոսելով իր բեմադրության մասին Էյֆմանը նշել է, որ այս բալետը « արվեստագետի և նրա ստեղծածի մասին խորեոգրաֆիական մեկնաբանություն է, նոր հայացք արվեստի և կյանքի հավերժորեն ոչ նույնական բարդ հյուսվածությանը»:
Բալետը անցյալ տարվա ընթացքում ցուցադրվել է նաև ԱՄՆ-ի, Գերմանիայի մայրաքաղաքի և Ռուսաստանի Մեծ թատրոնի հանդիսատեսներին:
«Պիգմալիոնի էֆֆեկտը» Էյֆմանի առաջին ֆիլմ-բալետը չէ, որ նա նկարահանել է վերջին տարիներին: Ավելի վաղ նա արդեն հասցրել է էկրանավորել նաև իր բեմադրած «Աննա Կարենինա», «Եվգենի Օնեգին», «Ռոդեն, նրա հավերժական կուռքը», «Մեղքի հակառակ կողմում», «Չայկովսկի: PRO et CONTRA» ֆիլմ-ներկայացումները:
Լուսանկարն՝ ըստ հղման աղբյուրի:
Ռուսաստանցի հայտնի խորեոգրաֆ Բորիս Էյֆմանը նկարահանում է «Պիգմալիոնի էֆֆեկտը» ֆիլմ-ներկայացումը: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:
Բեմադրության էկրանավորումը Սանկտ-Պետերբուրգցի ռեժիսորը սկսել է նախօրեին՝ հունվարի 13-ին: Նախատեսվում է, որ Լենսովետի մշակույթի տանն իրականացվող այդ աշխատանքները կավարտվեն հունվարի 26-ին:
Նկարահանումներին մասնակցում են հիմնականում Էյֆմանի հանրահայտ թատերախմբի արտիստները:
«Պիգմալիոնի էֆֆեկտը» ներկայացումը հանդիսատեսին առաջին անգամ ներկայացվել է 2019թ.-ի փետրվարին՝ Ռուսաստանի հյուսիսային մայրաքաղաքում:
Խոսելով իր բեմադրության մասին Էյֆմանը նշել է, որ այս բալետը « արվեստագետի և նրա ստեղծածի մասին խորեոգրաֆիական մեկնաբանություն է, նոր հայացք արվեստի և կյանքի հավերժորեն ոչ նույնական բարդ հյուսվածությանը»:
Բալետը անցյալ տարվա ընթացքում ցուցադրվել է նաև ԱՄՆ-ի, Գերմանիայի մայրաքաղաքի և Ռուսաստանի Մեծ թատրոնի հանդիսատեսներին:
«Պիգմալիոնի էֆֆեկտը» Էյֆմանի առաջին ֆիլմ-բալետը չէ, որ նա նկարահանել է վերջին տարիներին: Ավելի վաղ նա արդեն հասցրել է էկրանավորել նաև իր բեմադրած «Աննա Կարենինա», «Եվգենի Օնեգին», «Ռոդեն, նրա հավերժական կուռքը», «Մեղքի հակառակ կողմում», «Չայկովսկի: PRO et CONTRA» ֆիլմ-ներկայացումները:
Լուսանկարն՝ ըստ հղման աղբյուրի:
 28.11.jpg)
.jpg)
