Քաղաքակրթական ներուժը կեցության բարձրագույն արժեք է:

Ներկայացվել է Մուհամմեդի թոռ իմամ Հոսեյնի պայքարը ընդդեմ Յազիդա խալիֆի

10.23.2014

Մոսկվայում, կոնսերվատորիայի նախաձեռնությամբ ընթացող «Աշխարհի երաժշտական քարտեզը» սիմպոզիումի շրջանակներում, «Սֆերա» թատրոնի բեմում իրանցի արտիստները ներկայացրել են իրենց երկրում 10-րդ դարում ստեղծված բեմական առասպելական արվեստի «Թազեյե» տեսակը, որն այդպիսի հնագույն արմատներ ունեցող միակ թատերական գործողությունն է մահմեդական աշխարհում: Այդ մասին հաղորդում է «taglur.am»-ը՝ հղում անելով «teatral-online.ru»-ին:

Բեմական արվեստի այս տեսակի սյուժեները հիմնված են Մուհամմեդի թոռ իմամ Հոսեյնի այն ճակատամարտերում տեղ գտած դեպքերի հետ, որոնք նա մղել է Յազիդա խալիֆի զորքերի դեմ:

Նախկինում այս տեսարանները կայացվում էին բաց երկնքի տակ, իսկ 18-րդ դարի վերջերից «Թազեյե»-ի համար սկսեցին կառուցվել հատուկ ծածկված շինություններ, որոնք միայն վերապահումներով կարելի է թատրոն անվանել;

Ըստ ավանդության ներկայացումը կայանում է տարին միայն մեկ անգամ: Թատերախումբը կազմված է սովորական մարդկանցից՝ բժիշկներից, հացթուխներից, բրուտներից, ընդ որում, բացարապես տղամարդկանցից: Պրոֆեսիոնալ դերասանները և երաժիշտները այդպիսի ներկայացումներին, որպես օրինաչափություն, չեն մասնակցում: Եվրոպական թատրոնի չափանիշներով ռեժիսոր հասկացությունը նույնպես «Թազեյե»»-ում չկա: Ղեկավարությունը ստանձնում է առավել փորձառու «դերասանը»:

«Թազեյե»-ի արվեստ որևէ տեղ չեն սովորեցնում: Բոլոր հմտությունները և կարողությունները կատարողները փոխանցում են սերնդից սերունդ: Իրանական այս ռեչիտատիվի, վոկալի և գործիքային երաժշտության սինթեզը հսկայական ազդեցություն է թողել Փիթեր Բրուքի ռեժիսորական փորձերի և Եժի Գրոտովսկու «Աղքատ թատրոնի» վրա:

2010 թ.-ին «Թազեյե»-ն ընդգրկվել է UNESCO-ի համաշխարհային մշակութային ժառանգության ցուցակում:

«Աշխարհի երաժշտական քարտեզը» սիմպոզիումը Ռուսաստանի մայրաքաղաքում մեկնարկել է հոկտեմբերի 18-ին և կշարունակվի մինչև նույն ամսվա 26-ը: Այդպիսի սիմպոզիում անցկացվում է առաջին անգամ: Ըստ այս միջոցառման մոտեցման մարդկության պատմության զարգացման ներկա փուլը համակողմանի հնարավորություններ է ընձեռում, որպեսզի այսօր կազմվի հստակ պատկերացում աշխարհում երաժշտական ավանդույթների, ձայնային գաղափարների տարածման երթուղիների, խոշոր երաժշտական մշակութային համակարգերի կենսագործունեության վերաբերյալ, որոնք իրենց մեջ են ներառում տարածաշրջանային քաղաքակրթությունների հսկայական մակերեսները և այնտեղ ապրող ժողովուրդներին:


    Դիտվել է 956 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ