Քաղաքակրթական ներուժը կեցության բարձրագույն արժեք է:

Թեև վաղուց ի վեր չի անհանգստանում բեմից բացակայելու համար, բայց նրան հիշում են

12.19.2014

ՌԴ ժողովրդական արտիստուհի Անաստասիա Վերտինսկայան դարձավ 70 տարեկան:

«Կլոր տարիքը առանձնակի ուրախություն չի առաջացնում,- ասել է արտիստուհին:- Սակայն առանձնակի տխրություն էլ ես չեմ զգում»: Իր խոսքերով, այս տարին նա անցկացրել է շատ պտղաբեր՝ նվիրելով այն հորը՝ Ալեքսանդր Վերտինսկուն: «Այս տարի լրացավ նրա 125 ամյակը»,- բացատրել է արտիստուհին:

Անաստասիա Վարտինսկայայի հոբելյանը շնորհավորել է Ռուսաստանի վարչապետ Դ. Մեդվեդևը: «Դուք նվիրել եք մարդկանց կախարդական և հուզական Ասոլին, փխրուն և նուրբ Օֆելիային և Լիզա Բոլկոնսկայային, հմայիչ Քիթիին, փայլուն Մեննային և հիանալի Մարգարիտային և էլի շատ ու շատ անմոռանալի կերպարներ, որոնց սիրում են տարբեր սերնդի հանդիսատեսները»,- իր շնորհավորական ուղերձում նշել է Մեդվեդևը:

Վերտինսկայան հայտնի դարձավ հանդիսատեսների լայն շրջանակներին, երբ 17 տարեկան էր: Նա նկարահանվեց «Կարմիր առագաստներ» ֆիլմում, որտեղ իր մարմնավորած հմայիչ հերոսուհու մասին ինքն ասում է. «Դա մանկական ստեղծագործության կարգից է»:

Երբ նոր էր լրացել արտիստուհու 18-ը, հանդես եկավ ոչ պակաս հետաքրքիր մեկ այլ դերակատարմամբ՝ նկարահանվեց «Երկկենցաղ մարդը» ֆիլմում և փայլուն կատարեց Գուտտիերի դերը Ալեքսանդր Բելյաևի վեպի յուրօրինակ էկրանավորման մեջ: 19 տարեկանում Վերտինսկայան մարմնավորեց բոլոր դերասանուհիների համար մասնագիտական հասունության այցեքարտ դարձած շեքսպիրյան Օֆելյայի կերպարը՝ Գրիգորի Կոզինցևի դասական դարձած «Համլետ» կինոնկարում:

Նա հաջողությամբ հանդես էր գալիս ինչպես կինոյում, այնպես էլ՝ թատրոնում: Եռաչափ հարթության մեջ Վերտինսկայան իր լավագույն աշխատանքը համարում է Մոսկվայի «Սովրեմեննիկ» թատրոնում մարմնավորած Օլիվիայի կերպարը՝ Շեքսպիրի «12-րդ գիեշերը» կատակերգության մեջ:

Սակայն նրա համար թատերական բեմահարթակներից առավել սրտամոտը Մոսկվայի գեղարվեստական ակադեմիական թատրոնը՝ (МХАТ)-ն էր, որտեղից, սակայն, 1980-ականների վերջերին հեռացավ և մեկնեց արտասահման ու... սկսեց մանկավարժական գործունեություն ծավալել Ֆրանսիայում, Անգլիայում, Շվեյցարիայում:

«Վերջապես ես հասկացա, որ կարելի է ապրել և չանհանգստանալ այն բանի համար, որ քո բացակայությունը բեմի և էկրանի վրա կարող է չնկատվել, ընդհանրապես չնկատվել: Եվ ոչինչ սարսափելի տեղի չունեցավ: Հավերժ խոշտանգող այդ դերասանական անհանգստությունը վերջապես ինձ հանգիստ թողեց»,- ասել է Անաստասիա Վերտինսկայան:
    Դիտվել է 488 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ