Քաղաքակրթական ներուժը կեցության բարձրագույն արժեք է:

Շարք վերադարձվեց նորացված և ժամանակակից պահանջներին համապատասխան ևս մեկ բեմ

01.29.2015


Մոսկվայում 2011 թ.-ից ի վեր հիմնանորոգման ենթարկվող Մայակովսկու անվան ակադեմիական թատրոնի «Բեմահարթակ Սրետենկայի վրա» մասնաճյուղում մի քանի օր առաջ բոլոր տեսակի աշխատանքներն ավարտվել են: Թատրոնը հնարավորություն է ստացել նախօերին՝ հունվարի 28-ին, հատուկ արարողությամբ բացելու իր 92-րդ խաղաշրջանը: Այդ մասին հաղորդում է «taglur.am»-ը՝ հղում անելով «ԻՏԱՐ-ՏԱՍՍ»-ին:

Այդ իրադարձության համար թատերախումբը պատրաստել էր հատուկ ներկայացում, որը կրում է «Դեկոլոգը Սրետենկայում» վերնագիրը:

Այս ներկայացումը ստեղծվել է «site-specific theatre» ձևաչափով և նրա ենթատեսակով՝ «promenade» ժանրով, որը Եվրոպայում և Ամերիկայում հիմնավորապես մտել է թատրոնների խաղացանկ: Դա իրենից ներկայացնում է թատրոնների ներսում հավաքված լաբիրինթոսային կառույցներից մինչև լքված գործարանների տարածքներով, կիսակառույց երկնաքերների միջով, նավակառանատեղիներով անցկացվող էքսկուրսիաներ:

Մայակովսկու թատրոնն առաջին անգամ այդ ձևաչափին անդրադարձել էր իր 90-ամյակը նշելու առիթով, երբ հանդիսատեսները օրվա ընթացքում տեղաշարժվում էին թատրոնի ողջ տարածքով, որտեղ ընթանում էին ներկայացումներ, հանդիպումներ դերասանների հետ, տարբեր բեմախաղեր:

Որպեսզի հանդիսատեսները կարողանային գնահատել նորացված «Բեմահարթակ Սրետենկայի վրա»-յի տարածքն ամբողջությամբ, նույնիսկ գրվել է հատուկ պիես «Դեկոլոգ» վերնագրով (հեղ.՝ Սաշա Դենիսով): Այդ պիեսի գործողությունները տեղի են ունենում բուֆետում, հանդերձարանում, ճեմասրահում, աստիճանների վրա, պահեստներում և մյուս ծառայողական սենյակներում:

«Դեկոլոգ»-ի գլխավոր հերոսը Սրետենկայում ապրող մի ծեր կին է, արդեն անհետացող մարդկային տեսակ, ով հիշում է թե ինչպես է Սուխարևայի աշտարակի տակով անցնում տրամվայը: Նա Սրետենկայի մասին օրագիր է լրացնում, որում հետաքրքիր ձևով միմյանց են հյուսվում քաղաքի այդ շրջանի բնակիչներն և այսօրվա իրադարձությունները:

Ի դեպ, այս ներկայացման պաշտոնական պրեմիերան կայանալու շատ ավելի ուշ՝ սեպտեմբերի 19-ին և 20-ին:
    Դիտվել է 338 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292>>հաջորդ