Քաղաքակրթական ներուժը կեցության բարձրագույն արժեք է:

Դերասանը հեռացել է թատրոնից՝ հիշողության կորստի պատճառով

02.10.2015


Դերասան Մայքլ Հէմբոն, ով ավելի շատ հայտնի է Հարրի Փոթերի մասին նկարահանված 6 ֆիլմերից, որպես պրոֆեսոր Դամբլդորի դերակատար, խոստովանել է, որ տառապում է կարճաժամկետ հիշողության կորստից, որի պատճառով ստիպված հրաժարվում է թատերական գործունեությունից: Այդ մասին «The Sunday Times» տեղեկատվությունը փոխանցում է «taglur.am»-ը՝ հղում անելով «lenta.ru»-ին:

«Սարսափելի է դա խոստովանել, բայց ես այլևս չեմ կարող: Անցնում է հավերժություն, որպեսզի կարողանամ հիշել տեքստից թեկուզ մեկ տող: Դա ինձ շատ է վախեցնում»,- ասել է Հէմբոն:

74-ամյա դերասանի ասելով, ինքը փորձել է գտնել ելք, օրինակ, օգտվել հուշարարի ծառայություններից, ով ռադիոկապով կարդում է ռեպլիկները, սակայն, դա նրան չի գոհացրել: «Մեկ ժամ անց ես հասկացա, որ դա տարբերակ չի: Ինչպե՞ս կարելի է ազատ լինել և բեմի հետ օրգանապես շաղկապված, երբ դու մշտապես սպասում ես հուշարարի հաջորդ ռեպլիկին»,-նշել է նա:

Արտիստը, սրա հետ մեկտեղ, մտադիր է շարունակել աշխատանքները կինոյում: 2015 թ.-ին նա կհայտնվի էկարաններին՝ ըստ Ջոան Ռոլինգի «Պատահական թափուր տեղ» վեպի «HBO» ընկերությունում նկարահանվող մինի սերիալում, իսկ 2016 թ.-ին նա հանդես կգա «Հայրիկի բանակը» իրավիճակային սերիալի լիամետրաժ տարբերակում:
2009 թ.-ին Հէմբոն Լոնդոնի Ազգային թատրոնում երկու անգամ ստիպված է եղել ընդհատել փորձերը և դիմել բուժհաստատություն՝ հիշողության կորստի ախտանշանների պատճառով:
    Դիտվել է 413 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325>>հաջորդ