Քաղաքակրթական ներուժը կեցության բարձրագույն արժեք է:

Թատերական լաբորատորիայում վճռորոշը պրոֆեսիոնալ հանդիսատեսի ձայնն է

02.22.2015

Փետրվարի 28-ից մարտի 1-ը Մոսկվայի Չեխովի անվան գեղարվեստական թատրոնի (МХТ) նոր բեմում կկայանան ժամանակակից իսպանացի դրամատուրգ Ալբերտո Կոնեկերոյի «Մութ քար» պիեսի լաբորատոր ցուցադրությունները՝ Պաբլո Մեսսիեսայի բեմադրությամբ: Այդ մասին հաղորդում է «theatre.ru»-ն:

Իսպանիան 4-րդ երկիրն է, որտեղի դրամատուրգիան МХТ-ն ներկայացնում է «Առաջին անգամ ռուսերեն» անունը կրող սեփական նախագծի շրջանականերում: Նշենք, որ սա իսպանական լաբորատորիայի 3-րդ էսքիզն է:

Երկշաբաթյա ինտենսիվ փորձերի ընթացքում МХТ-ի արտիստները ռեժիսորների հետ պատրաստում են էսքիզներ: Դրանից հետո այդ աշխատանքները թատրոնը ներկայացնում է հանդիսատեսներին և մասնագետներին և ցուցադրանքների արդյունքում որոշում, թե արդյոք իմաստ ունի՞ շարունակելու այդ ուղղությամբ աշխատանքները:

Լաբորատորային ցուցադրանքները ավելի ու ավելի ակտիվ ձևով են կիրառվում ռուսաստանյան թատրոններում: Դրանք ընդարձակում են ստեղծագործական փորձերի դաշտը, օգնում են գտնելու նոր մոտեցումներ և խաղացանկային լուծումներ: Ռուսատանում МХТ-ն միակ թատրոնն է, որը հրավիրում է այլ երկրների ռեժիսորների լաբորատորիաներին և առաջարկում նրանց ներկայացնելու իրենց երկրների դրամատուրգիան:

Այդ ձևով արդեն իրականացվել են «Ֆրանսիական թատրոն. Առաջին անգամ ռուսերեն» և «Ֆրանսիական թատրոն. Կատագերգություններ» (Մոսկվայում գտնվող ֆրանսիական ինստիտուտի հետ համատեղ), «Գերմանական թատրոն. Առաջին անգամ ռուսերեն: Ամենագլխավորի մասին» (Գյոթեի անվան ինստիտուտի հետ) և «Ֆինական թատրոն. Առաջին անգամ ռուսերեն» (ՌԴ-ում Ֆինլահդիայի դեսպանատան հետ) նախագծերը:

Նշենք, որ նման լաբորատորիաների հանդիսատես են դառնում համացանցում գրանցվելով: Այդ գրանցման մեջ պարտադիր պետք է նշվեն ազգանունը և ամսաթիվը: Հրավերները ստացվում են կոնկրետ դիմորդի անունով՝ մեկ անձի համար:

Թատրոնը լաբորատորիայի կողմից հանդիսատեսներին ներկայացվող աշխատանքները դեռ լիարժեք ներկայացումներ չեն, այլ ապագա բեմադրությունների էսքիզներ: Թատրոնը լաբորատորիայի շրջանակներում ուսումնասիրում է հանդիսատեսի վերաբերմունքը ցուցադրվածի նկատմամբ, լսում նրա արձագանքը, որպեսզի հասկանա և վերջնական վճիռ կայացնի, թե արդյո՞ք այդպիսի ներկայացումը կարելի է ընդգրկել խաղացանկի մեջ: Այդ պատճառով լաբորատորիաների ժամանակ պատրաստված էսքիզների ցուցադրություններին հիմնականում հրավիրվում են փորձառու, հարցասեր և թատրոնի, այսպես կոչված, պրոֆեսիոնալ հանդիսատեսները:
    Դիտվել է 357 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324>>հաջորդ