Քաղաքակրթական ներուժը կեցության բարձրագույն արժեք է:

Երևանում մեկնարկեց «Հայֆեստ-2015»-ը

10.01.2015

Այսօր Երևանի Նորարարական փորձարարական արվեստի կենտրոնում (ՆՓԱԿ) հայոց Մեծ եղեռնի 100 ամյա տարելիցին նվիրված «Զգացողությունների թանգարան» ներկայացումով մեկնարկեց 13-րդ «Հայֆեստ» միջազգային թատերական փառատոնը:

«Զգացողությունների թանգարան» նախագիծը՝ ներկայացում-ճամփորդություն է, որի ընթացքում հանդիսականը թատրոն-թանգարան մտնելով անցնում է տարբեր զգացողություններ առաջացնող ցուցանմուշների միջով: Ներկայացման հանդիսատեսը որոշ դեպքերում պարզապես դիտորդի դերում է, իսկ որոշ պարագաներում՝ գործողության ակտիվ մասնակից:

Ըստ ներկայացման բեմադրիչ Վահան Բադալյանի նախագծի նպատակն է ցույց տալ և ստեղծել մի հարթակ, որտեղ անձը կարող է վերապրել այն ամենը, ինչ զգացել է հայը ցեղասպանության ժամանակ:

Նշենք, որ հենց այս բեմադրության անվանումն է տրվել նաև «Հայֆեստ-2015»-ին:

Ընդհանրապես, դատապարտման և պահանջատիրության համար ուղենշային դարձած 2015թ.-ին փառատոնում նախատեսված են Մեծ եղեռնի թեման շոշափող այլ ներկյացումներ նույնպես: Դրանք կմատուցեն ինչպես հայ, այնպես էլ փառատոնին մասնակցող օտարերկրյա թատերախմբերն ու դերասանները:

«Հայֆեստ-2015»-ը այս տարի կհյուրընկալի 26 երկրից ժամանած 250 մասնակիցների և հյուրերի, նրանց թվում հեղինակավոր արվեստագետների, արտմենեջերների, միջազգային փառատոնի նախագահների Մեծ Բրիտանիայից, ԱՄՆ-ից, Ֆրանսիայից, Իտալիայից, Ավստրիայից, Ֆինլանդիայից, Շվեդիայից, Շվեցարիայից, Կանադայից, Լեհաստանից, Լեբանանից, Իսրայելից, Լիտվայից, Հունգարիայից, Գերմանիայից, Չեխիայից, Նորվեգիայից, Հունաստանից, Էստոնիայից, Սերբիայից, Ղազախստանից, Բանգլադեշից, Ռուսաստանից, Իրանից, Վրաստանից և այլ երկրներից:

Ընդհանուր առմամբ երևանյան 12 բեմահարթակներում կցուցադրվի ավելի քան 70 ներկայացում, որոնք բազմազան են թե ժանրերով և թե մատուցման ձևաչափերով: Նշենք, որ թատերասերները հնարավորություն կունենան դիտելու դրամատիկական, երաժշտական, պարային (ֆոլկ, ֆլամենկո, մոդեռն բալետ), մոնոներկայացումներ, մուլտիմեդիա, իրերի, տիկնիկային, մարիոնետների, մատների, ներկայացում-ցուցահանդես, ֆիզիկական, շարժման, կրկեսային, մանկական, ինչպես նաև բացօթյա ներկայացումներ: Բացի այդ փառատոնի հյուրերը կանցկացնեն վարպետության դասընթացներ և ինչպես նախորդ փառատոներում, այնպես էլ այս անգամ, թատրոնն ու բեմը ապագա գործունեության ոլորտ ընտրած ուսանողներին հնարավորություն կտրվի «Արմս ֆեստ» ծրագրի շրջանակներում ներկայացնելու իրենց աշխատանքները:

Այս ամենի մասին այսօր կայացած մամլո ասուլիսում խոսեցին «Հայ ֆեստ» միջազգային թատերական փառատոնի նախագահ Արթուր Ղուկասյանը, ՀՀ մշակույթի նախարարության ժամանակակից արվեստի վարչության գլխավոր մասնագետ Նաիրա Հայրապետյանը, բեմադրիչ Վահան Բադալյանը:

«Հայֆեստ-2015»-ը , որն անցկացվում է ՀՀ մշակույթի նախարարության աջակցությամբ կեզրափակվի հոկտեմբերի 8-ին:
    Դիտվել է 395 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ