Քաղաքակրթական ներուժը կեցության բարձրագույն արժեք է:

Թատրոնի կայքում գրված է. «Երբ 20 կոպեկը բավարարում էր կինո գնալու և պաղպաղակ ուտելու համար»

12.29.2015


Ռուսաստանի Կեմերովո քաղաքի երեխաների ու երիտասարդների թատրոնը Ամանորի 8-րդ օրը՝ հունվարի 8-ին հանդիսատեսների առջև իր դռները կբացի խորհրդային ժամանակներին բնորոշ 10 կոպեկով վաճառված տոմսերով: Այդ մասին տեղեկացնում է «taglur.am»-ը՝ հղում անելով «news.vse42.ru»-ին:

«Այո, այո, ոչ թե 100 ռուբլի, ոչ թե 10 չուբլի և նույնիսկ 1 ռուբլի, այլ միայն և միայն դեղին, փոքրիկ 10 կոպեկանոց մետաղադրամ»,- հաստատել է թատրոնի պաշտոնական կայքը և իր ակցիան մեկնաբանել, որ դա հանդիսատեսին հնարավորություն կտա մեկ օրով վերադառնալ այն ժամանակներ, «երբ 20 կոպեկը բավարարում էր կինո գնալու և պաղպաղակ ուտելու համար, երբ ոչ մեկը դեռ չէր լսել Սանտա Կլաուսի մասին և բարին հաղթում էր չարին»:

Իսկ այդ օրը կեմերովցի փոքրիկ հանդիսատեսներին և նրանց ծնողներին կներկայացվի Հանս Քրիսթիան Անդերսենի «Ձյունե թագուհին» հեքիաթի հիման վրա բեմականացված նույնանուն ներկայացումը...

Մի անգամ այն հանգիստ և հարմարավետ տնակ, որտեղ իրենց պառավ տատի հետ ապրում են փոքրիկ Կայը և նրա քույր Հերթան, խաբեությամբ ներս է մտնում խորամանկ և դաժան Ձյունե Թագուհին: Նա Կային հրապուրում է իր հյուսած խորամանկ թակարդի մեջ և տանում սառույցների թագավորություն, որտեղ հավերժական ձմեռ է: Իր եղբորը ամենուր փնտրող Հերթան անցնում է հազար ու մի դժվարությունների ու վտանգների միջով... Սակայն նրա հավատարիմ սիրտը հաղթահարում է բոլոր արգելքները, իսկ ջերմ սերը հալում բոլոր սառույցները:
    Դիտվել է 340 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ