Քաղաքակրթական ներուժը կեցության բարձրագույն արժեք է:

Թատրոնի նոր օդափոխության համակարգը հնարավորություն է տալիս զգալ գլխավերևով թռչող առարկան

01.21.2016


Այսօր Մոսկվայի Բուլգակովի թատրոնում կկայանա Վլադիմիր Ժելեզնիկովի պատմվածքի հիման վրա ստեղծված «Խրտվիլակը» ներկայացման պրեմիերան: Այդ մասին «ՏԱՍՍ»-ի տեղեկատվությունը փոխանցում է «taglur.am»-ը:
Այս ներկայացումը նախ և առաջ յուրահատուկ է այնքանով, որ առաջին հերթին հասցեագրված է չտեսնող հանդիսատեսներին:

Ներկայացման բեմադրող ռեժիսոր Յարոսլավ Ժալնինը զգուշացրել է, որ «Խրտվիլակ»-ը անտեսանելի ներկայացում է, որի գործողությունները կատարվում են մթության մեջ: «Դա, այսպես կոչված 5D թատրոն է: Ձևաչափ, որ հորինվել է մեր ստուդիյում:

Գլխավոր գաղափարն այն է, որ ստեղծվեր նախագիծ բոլորի, այդ թվում նաև տեսողությունից զրկված հանդիսատեսների համար: Այդ նպատակով ներկայացումից առաջ հանդիսատեսները կհագնեն հատուկ մուգ դիմակներ, որպեսզի առավելագույնս միանան բեմադրության գործողությանը: Այս ձևով հանդիսատեսը կարող է հայտնվել հերոսներից մեկի մաշկի մեջ, իր վրա զգալ և զայրույթը և սերը: 5D էֆեկտի միջոցով մենք հնարավորություն ենք տալիս շոշափելով զգալ ոչ միայն առարկաներն ու դեկորացիաները, այլև կատարվող իրադարձությունների բույրերը, քանի որ գործողությունների յուրաքանչյուր վայր հագեցած է իր բույրով»,- նշել է Ժալնինը:

Ներկյացման ամենաժամանակատար աշխատանքը ներկայության էֆեկտների մշակումներն են: Այս գործընթացի արդյունքում նույնիսկ թատրոնում ստեղծվել է օդափոխության հատուկ համակարգ, որը հնարավորություն է տվել զգալ գլխավերևով թռչող առարկան և դրա հետևանքով առաջացած օդի տատանումը:

«Տեսանելիության առումով, անշուշտ, ամեն ինչ տեղի է ունենում ոչ թե լրիվ մթության մեջ, այլ մթնշաղում, որի միջով շարժվում են դերասանները: Սակայն դիտել այդ գործողությունն այնքան էլ հետաքրքիր չի, որքան այն երևակայելը, գլխի մեջ պատկերացնելը»,-նշում է ռեժիսորը:

Ժալնինի ասելով ամենադժվարը իրեն հանդիսատեսի տեղում պատկերացնելն էր: Մի բան է տեսնելը, թե ինչպես են հերոսները բեմի ինչ-որ մի հատվածում վիճում իրար հետ և բոլորովին այլ բան է հանդիսատեսին խորասուզել կոնֆլիկտի կենտրոնում:

«Դրա համար մենք մշակել ենք ձայների տեղակայման ճշգրիտ սխեմա, երբ հանդիսատեսը հայտնվում է կոնֆլիկտի մեջ գտնվող երկու հերոսների միջև: Ամեն անգամ նա հայտնվում է ինչ-որ մեկին ավելի մոտ, հետո տեղափոխվում է և արդյունքում ընտրում է ազնվության և խղճի կողմը»,- ընդգծում է Ժալնինը:

Ասենք, որ Բուլգակովի թատրոնը տեսողությունից զրկվածների համար առաջին ներկայացումը պատրաստել է դեռևս 2012թ.-ի: Այդ «անտեսանելի ներկայացումը» վերնագրված էր «Վոլկե», որը հետագայում սկսեցին բեմադրել նաև Ռուսաստանի մի շարք այլ քաղաքների թատրոններում նույնպես: Իսկ այս նոր՝ «Խրտվիլակ» ներկայացումը հեղինակները մտադիր են գարնանը հյուրախաղային շրջագայություններով ցուցադրել երկրի այն ինտերնատներում, որտեղ կրթություն ու դաստիարակություն են ստանում կույր կամ վատ տեսնող երեխաները:
    Դիտվել է 307 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ