Քաղաքակրթական ներուժը կեցության բարձրագույն արժեք է:

Նա կարողանում է բացահայտել և ընթերցել մարդկային մարմնի ռեֆլեքսները

03.12.2016


Սանկտ-Պետերբուրգի պետական ակադեմիական թատրոնի Բորիս Էյֆմանի ղեկավարած բալետը նախօրեին Իսպանիայի մայրաքաղաքի «Թեատրոս դել Կանալ» արվեստների կենտրոնում ներկայացրել է իր նոր «Ռոդեն» խորագրով բալետային ներկայացումը: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

«Մենք ներկայացումները ստեղծում ենք Պետերբուրգում և ցուցադրում ենք ողջ աշխարհում, և դրանք ունենում են մեծ հաջողություն: Գլխավորն այն է, որ մարդիկ այդ ներկայացումները թե Ասիայում, թե Եվրոպայում և թե Ամերիկայում հասկանում են միատեսակ: Դա այն բանի արդյունքն է, որ պարի լեզվում կա ունիվերսալ համակարգ, որը հասկանալի է բոլորին: Պարի մեջ և մարմնում կան մարդկանց սերունդների ինչ-որ ռեֆլեքսներ ցավի, ուրախության, վախի հանդեպ և այդ ռեֆլեքսները միևնույնն են»,- ասել է խորեոգրաֆը: Ըստ նրա, ժամանակակից խորեոգրաֆիան հագեցած է այդ ռեֆլեքսներով, այդ իսկ պատճառով բալետային լեզուն չունի սահմաններ:

«Ես կարծում եմ, որ ծնվել եմ որպես խորեոգրաֆ: Ամեն ինչ իմ կյանքում պատահական չի, որովհետև սկսել եմ ստեղծագործել 13 տարեկանից»,- անկեղծացել է Էյֆմանը և ավելացրել. «Իմ ողջ կյանքը ես նվիրել եմ մարմնի լեզվով զգացմունքներս արտահայտելու ունակություներիս զարգացմանը»: Նրա ասելով, երբ մարդը իր կյանքը նվիրում է ինչ-որ բանի, եթե նաև նրա մեջ կա աստծոց ինչ-որ մի օժտվածություն, ապա ստացվում է շատ լավ արդյունք:

Էյֆմանի բալետի թատրոնի հյուրախաղերն Իսպանիայում մեկնարկել են մարտի 4-ին: Դրանք կշարունակվեն մինչ մարտի 19-ը, որոնց ընթացքում խումբը տարբեր քաղաքների բեմահարթակներում հանդես կգա 10 անգամ:

«Ռոդեն» բալետի պրեմիերան կայացել է 2011թ.-ին: Այն բեմադրվել է ֆրանսիացի կոմպոզիտորներ Մորիս Ռավելի, Քամիլ Սեն-Սանսի և Ժյուլ Մասնեի ստեղծագործությունների հիման վրա: Ներկայացումը, ինչպես հուշում է վերնագիրը, նվիրված է ֆրանսիացի մեծ քանդակագործ Օգյուստ Ռոդենի (1840-1917) և նրա աշակերտուհի և սիրուհի Քամիլա Քլոդելի (1864-1943) կյանքին:

Այս բալետն արդեն դիտել են Նյու-Յորքում, Փարիզում, Լոնդոնում, Բեռլինում, Բուդապեշտում, Աթենքում, Պրահայում և այլ քաղաքներում:
    Դիտվել է 298 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ