Քաղաքակրթական ներուժը կեցության բարձրագույն արժեք է:

«Փոքրիկ իշխան»` մեկ դերասանի, երաժշտության և կինետիկական օբյեկտների միջոցով

03.30.2016

Մոսկվայի «Սովրեմեննիկ» թատրոնում դերասան Կոնստանտին Խաբիենսկին և հայտնի ջութակահար և նվագավար Յուրի Բաշմետը բեմականացրել են «Մի լքիր քո մոլորակը» ներկայացում-ֆանտազիան՝ ըստ Անտուան Էքզյուպերիի «Փոքրիկ իշխանը» հեքիաթի: Այդ մասին տեղեկացնում է «taglur.am»-ը՝ հղում անելով «ՏԱՍՍ»-ին:

« «Փոքրիկ իշխանը» ախտանիշ է: Դա ինչ-որ բացիլ է, որը թափանցում է մարդու մեջ և նա այլևս չի կարող աշխարհին նայել այն աչքերով, ինչպես նայել էր նախկինում: Նա հիվանդանում է այդ բառի լավ իմաստով»,- ասել է բեմադրության ռեժիսոր Վիկտոր Կրամերը:

Ներկայացման 1,5 ժամում բեմում ծավալվող պատմությունը բոլորովին էլ չես անվանի մանկական, նշում է ռեժիսորը, ով համաձայն չի ֆրանսիացի հեղինակի գլուխգործոցի ավանդական հեքիաթային մեկնաբանության հետ:
Գլխավոր հերոսը օդաչու Էքզյուպերին է, ով նաև փոքրիկ իշխանն է, Աղվեսը, գիսաստղերի տերը: Այդ բոլոր կերպարներին մարմնավորում է Խաբիենսկին:

«Դա մեկ մարդ է, ով պատմում է այն բացահայտման մասին, որը նա տեսել է ինքն իր մեջ»,- ասում է դերասանը իր աշխատանքի վերաբերյալ:

Մենակատարին ներկայացման ժամանակ օգնում են տեսագրությունների ցուցադրանքը, ավազի տուփը, կինետիկական օբյեկտները և բեմում գտնվող «Մոսկվայի մենակատարներ» կամերային նվագախումբը՝ Յուրի բաշմետի ղեկավարությամբ:

«Իմ խնդիրը դյուրին չի. երբ է սկսվում երաժշտությունը, ինչ տեմպով: Աստված չանի դա հարմար չլինի Կոստյայի համար»,- նշում է Բաշմետը և ավելացնում, որ ներկայացման մեջ «երաժշտությունը գլխավոր հերոսներից մեկն է»:

Երաժշտության հեղինակը Կուզմա Բոդրովն է: Ներկայացման մեջ նրա երաժշտությունը շատ սերտ միահյուսվում է Մալերի և Բրամսի ստեղծագործությունների առանձին դրվագների հետ:

Մինչև մոսկովյան այս պրեմիերան, բեմադրությունը ձմռանը ներկայացվել է Սոչիում՝ Բաշմետի «Ձմեռային փառատոնի» շրջանականերում:
    Դիտվել է 312 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ