Քաղաքակրթական ներուժը կեցության բարձրագույն արժեք է:

Շեքսպիրյան «Համլետ»՝ հրթիռային ռմբահարումից հետո, ուղղաթիռների հռնդյունի ներքո

04.12.2016

Լոնդոնի «Globe Theatre» թատրոնը, որը համարվում է շեքսպիրյան նշանավոր «Globe» թատրոնի ժառանգորդն ու գործը շարունակողը, Աֆղանստանի մայրաքաղաք Քաբուլում ներկայացրել է անգլիացի մեծ դրամատուրգի «Համլետ» ողբերգությունը՝ թատերական հրապարակի հարևանությամբ գտնվող NATO-ի շտաբ-բնակարանի օդանավակայան ժամանող կամ այնտեղից մեկնող ուղղաթիռների հռնդյունի ներքո: Այդ մասին տեղեկացնում է «taglur.am»-ը՝ հղում անելով «newizv.ru»-ին:

Այս ներկայացումը անգլիական թատրոնն իրականացրել է Ուիլյամ Շեքսպիրի ծննդյան 450 ամյակին նվիրված միջազգային հյուրախաղերի սեփական նախագծի շրջանակներում: «Globe»-ն իր նախաձեռնած համաշխարհային շրջագայության ընթացքում արդեն շեքսպիրյան ստեղծագործությունների հիման վրա բեմադրություններ է ներկայացրել բազմաթիվ երկրներում՝ սկսած Ռուանդայից և ավարտած Լիտվայով:

Քաբուլում թատերախումբը հանդես է եկել Բրիտանական դեսպանատանը պատկանող թենիսի հրապարակում: «Սա Դանիայի արքայազնի մասին պատմությունը ցուցադրելու ամենաանսովոր վայրերից մեկն է»,- նշել է Աֆղանստանում Բրիտանական թագավորության դեսպան Դոմինիկ Ջերմին:

Ըստ լրատվամիջոցների, իշխան Համլետի պատմությունը առանձնահատուկ ձևով է ընկալվել այդ երկրում, որն, արդեն, 30 տարի գտնվում է պատերազմների հորձանքում: Սակայն, ինչպես նշել է աֆղան դերասան Աբդուլ Քադին Ֆարուհը, Շեքսպիրի ժառանգության ազդեցությունը դուրս է գալիս Բրիտանիայի սահմաններից և տասնամյակներով արևմտյան թատրոնի հետ առնչություններից զրկված աֆղանների համար շարունակում է մնալ պահանջարկված:

Ասենք, որ «Համլետ»-ը ցուցադրվել է կիրակի երեկոյան: Իսկ դրան նախորդած գիշերը Քաբուլը ենթարկվել էր հրթիռային գիշերային ռմբահարումների, իսկ ներկայացումից առաջ հանդիսատեսները զգուշացվել են, թե ինչ պետք է անեն հանկարծակի վտանգ առաջանալու դեպքում:



Որոնման համակարգում այս թեմայով այլ նյութերի բանալի բառը ՝ Շեքսպիր
    Դիտվել է 287 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306>>հաջորդ