Քաղաքակրթական ներուժը կեցության բարձրագույն արժեք է:

Բարբարոսների մասին ներկայացումը լրիվ համրեցնում է

05.12.2016

Մոսկվայի Օլեգ Տաբակովի ղեկավարությամբ գործող թատրոնը՝«Տաբակերկա»-ն, այսօր իր հանդիսատեսին կներկայացնի «Բարբարոսների սպասման մեջ» ներկայացման պրեմիերան, որի բեմադրությունը պատրաստվել է ըստ հարավ-աֆրիկացի գրող Ջոն Մաքսվել Կուտզեեի համանուն վեպի: Այդ մասին տեղեկացնում է «taglur.am»-ը՝ հղում անելով «РИА новости»-ին:

Այս դաժան և սարսափելի ստեղծագործության մեջ դեպքերը ծավալվում են Ցավի վերացական կայսրությունում, որտեղ հանուն ինչ-որ բարբարոսների հայտնաբերման կատարվում են հարցաքննություններ, խոշտանգումներ, վայրագություններ, որոնց մեջ հերոսները տեսնում են չարի արմատները:

«Վեպը մարդու բնույթի ու նրա զգայությունների էության մասին է, այն նկարագրում է, որ մարդկանց «մերոնց» և «նրանց» բաժանելը հոգում սկզբնավորում է բարբարոսություն»,- նշում է ներկայացման ռեժիսոր Ալեքսանդր Մարինը:
Բեմադրությունում շատ տեսարաններ դաժան են, նատուրալիզմի հասնող ու նյութական: Եվ այդ ամենն արտահատվում է պարի լեզվով:

«Առանց պլաստիկական հատվածների ներկայացումը կլիներ բոլորովին այլ, որովհետև ինչպես լուծել խոշտանգումները, ինչպես լուծել Դատավորի ուղեղում ծագած կիրքը դահիճի և զոհի միջև: Դրանք պարեր չեն, պարային համարներ չեն, այլ դրամատուրգիա»,- ներկայացման ոճաբանության մասին խոսելիս նշել է դերասաններից մեկը:

Իսկ բեմանկարչության ողջ իմաստն արտահայտված է մեկ պատի մեջ: Այդ պատի մոտ լաց են լինում, սպանում են: Պատի վրայից մոխրագույն ներկն աստիճանաբար մաքրվում է և ի հայտ են գալիս ժայռապատկերներ: Դրանք Ֆրանսիայում վերջերս հայտնաբերված Շովեի քարանձավից եկող «ռեպլիկներ» են: Այդ պատկերները ունեն 30 հազար տարվա հնություն: Դրանք ընդգծում են, որ քաղաքակրթությունների պատմությունը գծային ընթացք չունի և, որ այն կրկնվում է:

Այս ենթատեքստում ներկայացումը լրիվ համրեցնում է հանդիսատեսին:
    Դիտվել է 356 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ