Քաղաքակրթական ներուժը կեցության բարձրագույն արժեք է:

Վարպետին և Մարգարիտային հենց հիմա կարելի է հանդիպել օն-լայն ռեժիմում

11.11.2016

Այսօր կեսօրին՝ ժամը 12:00-ին Մոսկվայում սկսվեցին Միխայիլ Բուլգակովի « Վարպետը և Մարգարիտան» վեպի թատերականացված օն-լայն ընթերցումները: Առաջին ընթերցողը դարձել է Մոսկվայի գեղարվեստական-ակադեմիական թատրոնի (МХАТ) դպրոց-ստուդիայի տնօրեն Իգոր Զոլոտովեցկին:

«Մենք արագացված կամ գլխավոր փորձ չենք ունեցել: Ամեն ինչ պիտի տեղի ունենա կենդանի և ձեր աչքերի առջև»,- ասել է այս նախագծի համակարգող Ֆեկլա Տոլստայան:

Այս նախագծի մեջ են ներքաշված ինչպես Մոսկվայի, այնպես էլ Սանկտ-Պետերբուրգի, Նիժնի Նովգորոդի, Կազանի, Եկատերինբուրգի, Նովոսիբիրսկի, Կրասնոյարսկի, Վլադիվոստոկի, ինպես նաև Թել Ավիվի (Իսրայել) մի շարք ստուդիաներ: Այս ակցիան կշարունակվի մինչև նոյեմբերի 12-ի երեկոյան ժամը 22:00-ն:

Ընթերցանությանը, արվեստի ոլորտի բազմաթիվ ներկայացուցիչների հետ միասին, կմասնակցեն նաև Ռուսաստանի Դաշնության մշակույթի նախարար Վլադիմիր Մեդինսկին, ՌԴ նախագահի մշակույթի գծով խորհրդական Վլադիմիր Տոլստոյը և տարբեր ոլորտների այլ հայտնի պաշտոնյաներ:

«Մարդիկ կարդում են ավելի ու ավելի շատ հետաքրքիր, հարցին մոտենում են ստեղծագործաբար, օգտագործում են մոնտաժը և երաժշտություն, իրենց ընթերցանության բաժինը ներկայացնելու համար պատրաստում են հետաքրքիր հարթակներ»,- նշել է նախագծի ռեժիսոր Նատալիա Անաստասևան:

Նա նաև նշել է, որ հատվածները ընտրվել են ըստ ընթերցողների կերպարների:

Օնլայն-ընթերցումները իրականացվում են «Մոսֆիլմ» կինոկոնցեռնի օժանդակությամբ: «Այսպիսի նախագիծը գուցե կնպաստի, որպեսզի երիտասարդները գիրք վերցնեն»,- նշել է «Մոսֆիլմի» գլխավոր տնօրեն Կարեն Շահնազարովը և ընդգծել. «Գուցե կինոյի, ընթերցանության և համացանցի հատման կետում մեր աչքի առաջ ծնվում է արվեստի նոր տեսակ»:

Այս նախագծի յուրահատկությունը 360 աստիճան ընդգրկմամբ տեսագրության կիրառումն է: Դա հանդիսատեսին հնարավորություն է տալիս ներկա լինել վեպի հանգուցային տեսարաններից մեկում՝ սատանայի հրավիրած պարահանդեսին: Այդ մոտեցումը արտահայտված է նաև նախագծի «Վարպետը և Մարգարիտան: Ես այնտեղ եղել եմ» անվան մեջ:

Ի դեպ այդ տեսարանը օն-լայն ռեժիմում կլինի Երևանի ժամանակով 23:30-ին և կշարունակվի մոտ մեկ ժամ: Այդ մասին տեղեկացրել է ռուսաստանում Google-ի պատասխանատու աշխատակից Յուլիա Սոլովյովան:

«Վարպետը և Մարգարիտան: Ես այնտեղ եղել եմ» վերնագրով նախագիծը նվիրված է մեծ գրող Միխայիլ Բուլգակովի (1891-1940) 125 ամյակին և նրա նշանավոր վեպի առաջին հրատարակության 50 ամյակին:

Ընթերցանության ուղիղ հեռարձակումը կարելի է դիտել YouTube հոսթինգում և նախագծի կայքում :




    Դիտվել է 292 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ