Քաղաքակրթական ներուժը կեցության բարձրագույն արժեք է:

Կներկայացվի անավարտ օպերայի հեղինակային տարբերակը

01.13.2017


Մոսկվայի «Գելիկոն օպերա» երաժշտական թատրոնում շուտով կներկայացնեն իտալացի մեծ կոմպոզիտոր Ջակոմմո Պուչինիի վերջին ստեղծագործությունը՝ «Տուրանդոտ» օպերան, որը կոմպոզիտորը թողել էր անավարտ: Այդ մասին տեղեկացնում է «taglur.am»-ը՝ հղում անելով «helikon.ru»-ին:

Այդ օպերան աշխարհի տարբեր բեմերում սովորաբար ներկայացվում է Պուչինիի կիսատ գործը ավարտին հասցրած տարբերակով, որը իրականացրել է 19-րդ դարի վերջին և 20-րդ դարի առաջին կեսին ստեղծագործած մեկ այլ իտալացի կոմպոզիտոր՝ Ֆրանկո Ալֆանոն:

Ալֆանոն այդ ստեղծագործությանը տվել է երջանիկ ավարտ, որը, սակայն, դժվար է ասել, թե որքան է տեղավորվում հեղինակային մտահղացման շրջանակներում:

Այս անգամ Մոսկվայում հավաքված բազմազգ ստեղծագործական խումբը, որին մասնակցում են նաև կանադացի բեմանկարիչ Քամիլիա Քուու-ն և լույսի ձևավորման նկարիչ ամերիկացի Թոմաս Խազեն, «Գելիկոն օպերայի» գեղարվեստական ղեկավար Դմիտրի Բարթմանի հետ եկել են մի ընդհանուր գաղափարի և որոշել բեմադրել օպերայի այն մասը, որը բացառապես Պուչինիի գրչի արգասիքն է: Բերթմանը նշել է, որ իրենք, այո, բեմադրությունը պատրաստում են ըստ Պուչինիի խմբագրման և կավարտվի այն տեղում, որտեղ կոմպոզիտորը ընդհատել է աշխատանքը՝ Լուի մահվան տեսարանով:

«Տուրանդոտ» օպերան Բերթմանն իր համար չի համարում «չինական նվեր»: Այն նրա համար իրական դրամա է և Պուչինիի ստեղծագործությունների մեջ դաժաններից մեկը:

Արևելյան կոլորիտը նկատելի է հերոսների հագուստներում, բեմի ձևավորման վառ գունաերանգներում: Ծագումով չինացի Քամիլիա Քուու-ն շատ խնամքով է իր ձևավորման մեջ կիրառել չինական շեշտադրումները՝ օգտագործելով ազգային ավանդական դիզայնի եղանակները՝ բնությունը, պարզությունը և էներգիան:

Նվագախումը ղեկավարում է ԽՍՀՄ ժողովրդական արտիստ Վլադիմիր Ֆեդոսեևը:

Ասենք, որ ներկայացումը պատրաստվում է «Եվրասիական օպերա» նախագծի շրջանակներում:
    Դիտվել է 260 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305>>հաջորդ