Քաղաքակրթական ներուժը կեցության բարձրագույն արժեք է:

Մտահոգված են արվեստագետի նկատմամբ ոչ համարժեք վերաբերմունքի համար

05.30.2017


Օրերս մշակույթի մի խումբ ֆրանսիացի գործիչներ բաց ուղերձ են հղել ի պաշտպանություն ռուսաստանցի ռեժիսոր, Մոսկվայի «Գոգոլ կենտրոնի» գեղարվեստական ղեկավար Կիրիլ Սերեբրեննիկովի:

Ուղերձի հեղինակները, որպես Կիրիլ Սերեբրեննիկովի, «Գոգոլ կենտրոնի», «Պլատֆորմա» և «7-րդ ստուդիա» նախագծերի բարեկամներ իրենց անվերապահ օժանդակությունն են հայտնում:

Նրանք նշում են, որ այդ թատերական կոլկտիվին մեծ վնաս է հասցվել և մտահոգություն են հայտնում համաշխարհային մակարդակի արվեստագետի նկատմամբ ոչ համարժեք վերաբերմունքի համար՝ ընդգծելով, որ «դժվար չէ կատարվածի մեջ չտեսնել վախեցնելու հերթական փորձ»:

Ֆրանսիացի արվեստագետները հաստատում են, որ իրենք չեն կասկածում «Կիրիլի ազնվության և օրինապահության վրա, որը համարձակ կերպով առաջ է տանում քաղաքական մշակույթը ժամանակակից Ռուսաստանի ծանր, հաճախ դաժան ենթատեքստի պայմաններում»:

«Արդեն շատ տարիներ ռուսական թատրոնի և կինոյի այդ հանճարեղ ապստամբը վճրում է իր արվեստի ազատության համար: Մեզ ակնհայտ է թվում, որ այդ ազատությունն է այսօր ենթարկվում հարձակման և հարձակման է ենթարկվում Մոսկվայի ամենից ազատ թատերական տեղերից մեկը»,- նշված է ուղերձում:

Փաստաթղթի ֆրանսիացի հեղինակները իրենց համերաշխությունն են հայտնում ռուսաստանյան մշակութային հանրության հետ, որը «վերջին օրերի ընթացքում իր խոր դժգոհությունն է արտահայտում տեղի ունեցածի կապակցությամբ»:

Ուղերձի տակ կա ֆրանսիական մշակույթի շուրջ 20 գործիչների ստորագրություն, որոնց թվում Բենու Անդրեն (Շայոյի ազգային թատրոնի գլխավոր քարտուղար և ծրագրային խորհրդատու), Դավիդ Բոբյեն ( «Նորմանդիա-Ռուան» ազգային դրամատիկական կենտրոնի տնօրեն), Պատրիկ Ֆոլը (Կան քաղաքի թատրոնի տնօրեն), Դենի Լևանը (դերասան) և ուրիշներ:



Այս թեմայով այլ հղումներ-1
    Դիտվել է 69 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ