Քաղաքակրթական ներուժը կեցության բարձրագույն արժեք է:

Օ. Բասիլաշվիլի. «Ինձ ավելի մոտ է ցար Ֆեոդորը, քան շեքսպիրյան կերպարները»

06.01.2017

- Ինձ Անդրեյ Մոգուչին (Սանկտ-Պետերբուրգի Մեծ դրամատիկական թատրոնի այսօրվա գեղարվեստական ղեկաարը-խմբ.) ժամանակին առաջարկել է խաղալ արքա Լիր: Ես կատեգորիկ հրաժարվեցի: Իմ կարծիքով այն թույլ պիես է, սակայն դա առանձին խոսակցություն է ,- «izvestia.ru»-ին օրերս տված իր հարցազրույցում ասել է ԽՍՀՄ ժողովրդական արտիստ Օլեգ Բասիլաշվիլին:

Նա նշել է, որ ինքը տվյալներ չունի, որպեսզի խաղա այդ ողբերգական դերը: «Ես բոլորովին այլ հոգեֆիզիկա ունեմ»,- ասել նա և ենթադրել, որ այդ դերը ռուս դերասաններից առավել հաջող կխաղային Նիկոլայ Սիմոնովը, Պավել Լուսպեկաևը:

Արտիստը իրեն առավել հարազատ է համարում Անտոն Պավլովիչ Չեխովի կամ Ալեքսանդր Մոիսեյի Վոլոդինի ստեղծագործությունները: «Իսկ, ահա, Շեքսպիրը իմ համար չէ»,- կրկնել է նա, թեև վերջում նաև հաստատել է, որ Շեքսպիրն «այո հանճարեղ է: Այո, մեծ է: Բայց,- ասել է նա, - ինձ ավելի մոտ է ցար Ֆեոդորը, քան շեքսպիրյան կերպարները»:

Խոսելով Սանկտ-Պետերբուրգի Մեծ դրամատիկական թատրոնի մասին, որտեղ այսօր էլ նա շարունակում է իր գործունեությունը, Բասիլաշվիլին ասել է, որ ինքը կցանկանար որպեսզի իրենց այսօրվա կոլեկտիվը հպարտ կրեր այն դրոշը, որը ժամանակին բարձրացրել է Գեորգի Ալեքսանդրովիչ Տովստանոգովը: Նա կողմ է, որպեսզի մարդկային ոգու կյանքը, կրքերի ճշմարտացիությունը և զգացմունքների ճշմարտությունը իրենց թատրոնի բեմում լինեն գլխավորը: «Իմ կարծիքով միայն այդպիսի թատրոնը կարող է լինել թատրոն-տուն, թատրոն-ընտանիք, որտեղ բոլոր աշխատողները, անկախ անձնական հարաբերություններից, ներշնչված են մեկ գաղափարով»,- նշել է Օլեգ Բասիլաշվիլին:

Նա ընդգծել է նաև այն միտքը, որ նախկինում մարդիկ թատրոն էին գնում, ինչպես տաճար, որտեղ կարելի էր «մի կում ճշմարտություն խմել»:
    Դիտվել է 67 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ