Քաղաքակրթական ներուժը կեցության բարձրագույն արժեք է:

Տիֆլոմեկնաբանը` չտեսնող հանդիսատեսի աչքեր

07.07.2017


Մոսկվայի «Գելիկոն օպերայում» ներդրվել է տիֆլոմեկնաբանության տեխնոլոգիա, որը հնարավորություն է տալիս տեսողուությունից զրկված մարդկանց իմանալու, թե ինչ է կատարվում բեմում: Այս եղանակով առաջին ներկայացումը կայացել է Ջուզեպե Վերդիի «Տրուբադուր» օպերայի ցուցադրության ժամանակ, որը կայացել է հուլիսի 4-ին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Թատերական ներկայացումը վատ տեսնող կամ ընդհանրապես չտեսնող հանդիասատեսները կարողացել են «դիտել» ականջակալների միջոցով, որոնցով հաղորդվում էր բեմական գործողությունների մանրամասն նկարագրությունը:, հագուստների և դեկորացիայի փոփոխությունը:

Թատրոնի գեղարվեստական ղեկավար Դմիտրի Բերտմանը նշել է, որ տիֆլոմեկնաբան Վերա Ֆեվրալսկին ներկա է եղել բոլոր փորձերին՝ բեմում տեղի ունեցող ցանկացած փոփոխությունը առավել ճշգրիտ ներկայացնելու համար:

«Գելիկոն օպերայում» այսպիսի հարմարեցված օպերայի ցուցադրությունը նշանավորել է տեսողության հիմնախնդիրներ ունեցող մարդկանց թատերական ներկայացումները մատչելի դարձնելուն ուղղված «Հատուկ հայացք» նախագծի մեկնարկը: Այն ֆինանսավորում է «Արվեստ, գիտություն և սպորտ» հիմնադրամի կողմից: Թատրոնի ղեկավարությունը պլանավորել է, որպեսզի եկող թատերաշրջանից տիֆլոմեկնաբանություններով ապահովի բոլոր խաղացանկային ներկայացումները:

«Գելիկոն օպերային» զուգահեռ վատ տեսնող կամ ընդհանրապես չտեսնող հանդիսատեսների համար ներկայացումներ են հարմարեցվում նաև «Սովրեմեննիկ», Մոսկվայի նահանգային և այլ թատրոնները:
    Դիտվել է 61 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ