Քաղաքակրթական ներուժը կեցության բարձրագույն արժեք է:

Թատրոն հեռագնաց բեռնատարի թափքում

07.27.2017

Մոսկվայում այս օրերին մեկնարկել է շվեյցարա-գերմանական « Rimini Protokoll» ընկերության թատերական նախագիծը, որը իրականացվում է հեռագնաց բեռնատար մեքենայի կցաթափքում:: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

«Cargo» անունով «Rode» («Ճանապարհ») ժանրի ներկայացումը վավերագրական է: Տպավորությունն այնպիսին է, որ մեքենայի թափքում նստած 50 հանդիսատեսները, երկայնքով կտրելով գրեթե ողջ Ռուսաստանը, Մոսկվայից հասնում են Մագադան: Այդ ճանապարհն անցնելու զգացողությունը հանդիսատեսների մեջ առաջացնում են շարժվող մեքենան, որի թափքում նստած են իրենք, ասես պատուհանի պես արտաքին միջավայրը ցուցադրող հեռուստատեսային էկրաններին երևացող պատկերաշարերը և մատուցվող տեքստը:

20 հազար կմ ճանապարհը ներկայացման ընթացքում հաղթահարվում է 1,5 ժամում: Սակայն ստացված տեղեկատվությունը և զգացմունքային լիցքերը այնքան շատ են, որ հանդիսատեսի մեջ ձևավորվում է երկարատև ճանապարհ գնացածի և բազմաթիվ տպավորություններ ստացածի զգացողություն:

Հատկանշական է, որ ներկայացումը պատրասել են ոչ թե դերասանները, այլ դերասանական վարպետության դասեր անցած իսկական վարորդները:

«Որոշ մարդիկ չեն հավատում, կասկածում են, ասում են, որ մենք պարզապես դերասաններ ենք, որոնք սովորել են մեքենա վարել, սակայն, իրականում ամեն ինչ հակառակն է: Մենք սովորական վարորդներ ենք, որոնց սովորեցրել են խոսել»,- ասել է հեռագնաց բեռնատարի վարորդ Ռոման Ռոմանովը:
    Դիտվել է 37 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ