Քաղաքակրթական ներուժը կեցության բարձրագույն արժեք է:

Կոնսերվատորիայի ուսանող է դարձել առանց նախնական երաժշտական կրթության

09.18.2017


Օպերային երգիչ, ԽՍՀՄ ժողովրդական արտիստ Զուրաբ Սոտկիլավայի հուղարկավորությունը, որի մահվան մասին տեղեկատվությունը այսօր՝ սեպտեմբերի 18-ին տարածել են ռուսական լրատվական ծառայությունները, կկայանա Վրաստանում: Այդ մասին «tvkultura.ru»-ի տեղեկատվությունը փոխանցում է «taglur.am»-ը:

«Ցմահ Մեծ թատրոնի մեներգիչ» յուրահատուկ կարգավիճակն ունեցող Զուրաբ Սոտկիլավան մահացել է ծանր հիվանդությունից հետո, Մոսկվա քաղաքում:

Երգչի մահվան կապակցությամբ նրա ընտանիքին ցավակցել է Ռուսաստանի նախագահ Վլադիմիր Պուտինը:

Մանկության տարիներին հրապուրվել է ֆուտբոլով, եղել է Վրաստանի երիտասարդական հավաքականի կապիտանը, բայց ստանալով մի քանի վնասվածք, ավարտել է սպորտային կարիերան և ամբողջովին նվիրվել երաժշտությանը:

Նա Թբիլիսիի կոնսերվատորիա է ընդունվել 23 տարեկանում: Կոնսերվատորիայի ուսանող է դարձել առանց նախնական երաժշտական կրթություն ունենալու: Հաշվի են առել բացառիկ երաժշտական և վոկալ ընդունակությունները: Կոնսերվատորիան հաջողությամբ ավարտելուց հետո աշխատանքի է անցել Թբիլիսիի Պալիաշվիլու անվան օպերայի և բալետի թատրոնում: Վերապատրաստվել է Լա Սկալայում: 1973թ.-ին առաջին անգամ ելույթ է ունեցել Մեծ թատրոնում՝ Բիզեի «Կարմեն» օպերայում, Խոզեի դերակատարմամբ:

Երգչի տաղանդը առավել ամբողջությամբ բացահայտվել է Վերդի օպերաներում («Տրուբադուր», «Օթելլո», և այլն): Այդ խոր մեկնաբանությունների համար նրան արվեստների Բոլոնիայի ակադեմիան շնորհել է պատվավոր ակադեմիկոսի կոչում:

«Հեռացավ ոչ թե պարզապես երգիչ: Հեռացավ անհատականություն: Հեռացավ անուն, որի հետ կապված է ոչ միայն Մեծ թատրոնի կյանքը, այլ երկար տարիներ ձգվող ռուսաստանյան օպերան և մշակույթը»,- այսպես է բնութագրել Զուրաբ Սոտկիլավայի մահը Մոսկվայի Ստանիսլավսկու և Նեմիրովիչ-Դանչենկոյի անվան երաժշտական թատրոնի գեղարվեստական ղեկավար Ալեքսանդր Տիտելը:
    Դիտվել է 35 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ