Քաղաքակրթական ներուժը կեցության բարձրագույն արժեք է:

Վ. Շեդրինին շնորհվել է «Թատրոնին ազնվորեն ծառայելու, պատվի և արժանապատվության» մրցանակ

09.19.2017

Նախօրեին՝ սեպտեմբերի 18-ին, Մոսկվյում, Վախթանգի անվան թատրոնում կայացել է «Խրուստալնայա Տուրանդոտ» մրցանաաբաշխությունը: Այդ մասին «РИА новости»-ի տեղեկատվությունը փոխանցում է «taglur.am»-ը:

Անցած թատերաշրջանի նոր ներկայացումներից լավագույնը ճանաչվել է Ռիմաս Տումինասի «Արքա Էդիփ» բեմադրությունը:
Տեղեկացվում է, որ մրցանակակիր է դարձել նաև ԽՍՀՄ ժողովրդական արտիստուհի Իննա Չուրիկովան՝ Ազգությունների թատրոնում «Տեսակցություն» ներկայացման մեջ Եղիսաբեթ 2-րդի կերպարը կերտելու համար: «Խրուստալնայա Տուրանդոտի» է արժանացել նաև «Լենկոմ» թատրոնի դերասան Վիկտոր Ռակովը՝ «Օպրիչնիկի օրը» ներկայացման մեջ Կոմյագայի կերպարը կերտելու համար:

Լավագույն ռեժիսորական աշխատանքի համար հեղինակավոր մրցանակը շնորհվել է «Թատերական արվեստի ստուդիայի» գեղարվեստական ղեկավար Սերգեյ Ժենովաչին, «Վարպետն ու Մարգարիտան» ներկայացման համար:

«Թատրոնին ազնվորեն ծառայելու, պատվի և արժանապատվության» անունը կրող մրցանակը շնորհվել է Չեխովի անվան միջազգային թատերական փառատոնի տնօրեն Վալերի Շեդրինին: Իսկ թատրոնի լավագույն տնօրեն է ճանաչվել Վախթանգովի թատրոնի վարչական ղեկավարը՝ Կիրիլ Կրոկը : Նրա մրցանակը կրում էր «Թատերական գործընթացը անթերի կազմակերպելու համար» անվանումը:

«Խրուստալնայա Տուրանդոտը» ռուսական թատրոնի առաջին ոչ պետական, անկախ թատերական մրցանակաբաշխությունն է: Այն հիմնադրվել է 1991թ.-ին և այդպես է կոչվում ի պատիվ իտալացի գրող Կառլո Գոցիի հեքիաթի հերոսուհու, որը Ռուսաստանում վերածվել է թատերայնության խորհրդանշանի: Այս մրցանակով պարգևատրվում են Մոսկվայի թատրոնների անցած թատերաշրջանի լավագույն բեմադրությունները և դրանց հեղինակները:
    Դիտվել է 39 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ