Քաղաքակրթական ներուժը կեցության բարձրագույն արժեք է:

Սեփական կյանքը դասավորելու անասնական ձգտումը հակադրվում է մարդուն

09.23.2017

Երևանի «Արմեն Մազմանյանի անվան բեմարվեստի «Գոյ» ազգային փորձարարական կենտրոնը» հանդիսատեսին է ներկայացրել հակաուտոպիական ժանրի հերթական բեմադրությունը: Այս անգամ, սակայն, ի տարբերություն Բրեդբրերիի «451 աստճանի ըստ ֆարենհեյթի» հերոսների, ահազանգ հնչեցնողը մարդը չէ... այլ գյուղացիական ֆերմայի անասունները:

Համաշխարհային գրականության և մասնավորապես դրամատուրգիայում, քիչ չեն նույն արևի տակ մարդու կողքին բնակվող մերձավոր շնչավորների մասին պատմությունները: Սակայն, թեև այդպիսի «գործող անձանցով» ստեղծվող տեքստերը համախմբվում են հակաուտոպիական ժանրի յուրահատուկ հարթակում, բայց և այնպես դասականության գրադարակում քչերին է վիճակում տեղ զբաղեցնել:

«Գոյ» կենտրոնի հանդիսատեսն այդ հարցում, արդեն, վստահաբար կարող է վերցնել երիտասարդ ռեժիսոր Սարգիս Արզումանյանի մեկնած նոր այցեքարտը, որտեղ գրված է նոր ներկայացման հեղինակի Ջորջ Օրուելի անունը և 20-րդ դարի առաջին տասնամյակների հեղափոխական իրադարձությունների էներգիան ու հետևանքնրը յուրովի նյութականածրած պիեսի անվանումը՝ «Անասնաֆերմա»:

Այս ստեղծագործության հերոսները խոզերը, ավանակները, ոչխարները, ձիերը, հավերն ու գյուղացիական ֆերմայում ապրող, բայց իրենց ճակատագրին, ըստ էության մարդու պես տնօրինելու փորձ անող այլ անասուններն են:

Մարդու պես սեփական կյանքը դասավորելու անասնական ձգտումը, բնականաբար հակադրվում է հենց մարդուն: Սակայն հաղթող անասունը, ի վերջո, գալիս է այն սկզբունքային տեսակետին, որ նապոլեոնյան բարձրագույն իշխանության տանող աստիճանները կառուցված են խաբեության, անարդարության, շողոքորթության, մեծամտության, կեղծավորության, երեսին ժպտալու, իսկ թիկունքից հարվածելու որակներից:

Ահա թե ինչու, ներկայացման ողջ ընդարձակ կտավը բեմադրիչը ֆոկուսավորում է հերոսներից մեկի շուրթերով հնչող ասույթի մեջ. «Բոլոր անասունները հավասար են, սակայն որոշ անասուններ ավելի հավասար են, քան մյուսները...»::
    Դիտվել է 20 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ