Քաղաքակրթական ներուժը կեցության բարձրագույն արժեք է:

Ներկայացումներն անում են փողոցներում և հասնում հսկայական արդյունքների

09.27.2017


Մոսկվայում այս օրերին Ֆրանսիական հինգ քաղաքներից ժամանած մանկական թատրոնները «Գավրոշ: Ֆրանսիական սեզոն» միջազգային թատերական 11-րդ փառատոնի շրջանակներում ներկայացնում են իրենց բեմադրությունները: Կազմակերպիչները՝ մոսկովյան «Թատրոնը Սերպուխովկայում» և Ռուսաստանում Ֆրանսիայի դեսպանատան ինստիտուտն են, որոնք ներկայացնելով միջոցառման ծրագիրը, նշել են որ Փարիզից, Ստրասբուրգից, Լիլլից, Գրասսից, Տուլուզից և Լիոնից ժամանած թատրոններն, ընդհանուր առմամբ , կցուցադրեն 40 ներկայացում: Այդ մասին «iz.ru»-ի տեղեկատվությունը փոխանցում է «taglur.am»-ը:

Թատերախմբերը կներկայացնեն ամենատարբեր ժանրերի աշխատանքներ՝ դրամա, նոր կրկես, տիկնիկային և վիզուալ թատրոն:

«Մանկական թատրոնը Ֆրանսիայում արագ զարգանում է: Մենք հարմար գտանք մեզանում արձանագրվող այդ միտումների մասին կիսվել մեր փոքրիկ հանդիսատեսների հետ»,- ասել է փառատոնի արթ-տնօրեն Մարինա Ռայկինան: Նա նաև հույս է հայտնել, որ ֆրանսիացիների ելույթները դիտելու կգան նաև նրանց ռուսաստանցի գործընկերները: Ըստ նրա Ֆրանսիայում պետությունը չի օգնում փոքր կոլեկտիվներին: Նրանք յուրացնում են փոքր տարածություններ, ներկայացումներն անում են փողոցներում և հասնում հսկայական արդյունքների:

Հետաքրքիր է, որ շատ ներկայացումների մեջ, որոնցում տեքստը նվազագույն մաս է կազմում, ներգրավվել են նաև ռուսաստանցի արտիստներ, որոնք իրենց հերոսներին ներկայացնելու են ռուսերենով:

«Այսօրվա աշխարհում, - ասել է ֆրանսիացի ռեժիսոր Էմանուել Դեմարսի-Մոտան,- քաղաքական փոխհարաբերությունները ծայրահեղ բարդ են, սակայն դա չի դիպչում արվեստին և հիանալի է, որ գոյություն ունեն փառատոններ, որոնք միավորում են հանդիսատեսներին և մշակույթները:

«Գավրոշ» փառատոնի շրջանակներում, որը կեզրափակվի հոկտեմբերի 1-ին, ֆրանսիացի արտիստները հանդես են կգան նաև բարեգործական ներկայացումներով, ելույթ կունենան մանկական բուժհաստատություններում, կանցկացնեն վարպետաց դասեր և այլն:
    Դիտվել է 19 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249>>հաջորդ