Քաղաքակրթական ներուժը կեցության բարձրագույն արժեք է:

«Պյոտր Ֆոմենկոյի արվեստանոց» թատրոնը հանդես է գալիս որպես շարժման առաջատար

09.30.2017



Ռուսաստանում հանդիսատեսներին դեպի թատրոն գրավելու մի եղանակի էլ վերածվում է «Թատերական լեկտորիումները»: Հանդիսասրահներում դասախոսություններով հանդես են գալիս երկրի մասնագիտական լավագույն ուժերը, հայտնի գիտնականներ և տեսաբաններ: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Որպես այդ շարժման առաջատար հանդես է գալիս Մոսկվայի «Պյոտր Ֆոմենկոյի արվեստանոց» թատրոնը, որը նախկինում համանման աշխատանքի որոշակի փորձ է կուտակել և այդ հիմքի վրա 2017թ.-ին հանդես է գալիս նոր մասշտաբային դասախոսությունների ծրագրային փաթեթով:

Այս տարի հանդիսատեսներին հասցեագրվող դասախոսությունները կընթանան երկու կուրսով՝ արտասահմանյան թատրոնի պատմություն և դրան զուգահեռ՝ ռուսական դրամատուրգիայի պատմություն:

Այս տարի ժամանակագրական առումով դասախոսությունները կընդգրկեն անտիկ թատրոնից մինչև 18-րդ դարը: Իսկ եկող տարի ծրագրի հեղինակները նախատեսում են դասախոսաությունների շրջափուլը հասցնել մինչ մեր օրերի արտասահմանյան թատերական մշակույթի թեմաներին:

Բացի այդ, դասախոսությունների ունկնդիրներին կմատուցվի ռուսական դրամատուրգիայի 19-րդ դարի պատմությունը, որը համաշխարհային թատրոնը հարստացրել է ռուսական սյուժեի յուրահատուկ տրամաբանությամբ ու մթնոլորտով:

- Մենք կընտրենք մեծ պիեսներ, այնպիսիք, որոնք հանդիսանում են 19-րդ դարի «ռուսական» սյուժեի իրադարձություններ, որոնց ինքնին ընթերցումն իսկ կբերի բացահայտումներ,- ասել է Մոսկվայի թատերական արվեստի ինստիտուտի պրոֆեսոր Իննա Սոլովևան:

Նա տեղեկացրել է, որ դասախոսությունների շարքը սկսելու է հոկտեմբերի 22-ից և այն նվիրելու է Ալեքսանդր Գրիբոեդովի «Խելքից պատուհասը» պիեսին: Այնուհետև կհաջորդեն Ալեքսանդր Պուշկինի «Բորիս Գոդունովը», Միխայիլ Լերմոնտովի «Դիմակահանդեսը» և այլն:

Ի դեպ, շեքսպիրագետ, Մոսկվայի թատերական արվեստի ինստիտուտի դասախոս Ալեքսեյ Բարտոշևիչի դիտարկմամբ, մարդիկ սկսել են դասախոսությունների հաճախել: Նա զարմացած է հետաքրքրության այդ ալիքով և ենթադրում է, որ այդ ձգտումի մեջ ինչ-որ մի բան կա, որը կարող է ուսումնասիրության հիանալի թեմա դառնալ որևէ խելացի սոցիալական հոգեբանի համար:
    Դիտվել է 39 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260>>հաջորդ