Քաղաքակրթական ներուժը կեցության բարձրագույն արժեք է:

Բանաստեղծությունների մեջ ներթափանցելով բաբախում է մեր ժամանակը

02.07.2018


Թեև արդեն երրորդ տարին է, որ շենքի վերանորոգման ձգձգման պատճառով «Սատիրիկոն» թատրոնը հանդես չի գալիս Ռուսաստանի մայրաքաղաքի «Մարինա ռոշչա» վայրում գտնվող իր սեփական բեմահարթակում և հյուրի կարգավիճակով ներկայացումները ցուցադրում է մոսկովյան տարբեր հարթակներում, այնուամենայնիվ հասցնում է իր խաղացանկը թարմացնել նոր և հետաքրքիր բեմադրություններով: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Այս անգամ թատրոնի գեղարվեստական ղեկավար Կոնստանդին Ռայկինը նոր բեմադրությունը վստահել է իրենց թատերախմբի երիտասարդ անդամներին: Ներկայացման համար հիմք են ծառայել ժամանակակից բանաստեղծների ստեղծագործությունները: Երիտասարդ բեմադրիչներ Մարինա Դրովոսեկովան և Սերգեյ Սոտնիկովը իրենց այս աշխատանքը անվանել են «Չպուշկին», ակնահայտորեն նկատի ունենալով այն, որ ներկայացման տեքստային մասը կազմված է ոչ թե ռուս մեծ դասականի, այլ այսօրվա բանաստեղծների գործերից արված հետաքրքիր ծաղկաքաղով:

«Բանաստեղծությունները ներկայացման համար ընտրել են իրենք՝ երիտասարդ սատիրիկոնականները, դրացից կազմելով մի փունջ հույս և ցավ, երգիծանք և ողբերգություն, երջանկություն և սեր»,- նշել են թատրոնի մամլո ծառայությունում՝ ավելացնելով, որ մոլեգնորեն բացահայտ բանաստեղծությունների մեջ ներթափանցելով բաբախում է մեր ժամանակը, մեր դարը: «Սա ժամանակն է՝ մենք ենք, սա «Չպուշկին» է»:

Ասենք, որ երիտասարդ արտիստները նաև ներկայացման մեջ հնչող երաժշտության ձայնագրությունն են կատարել՝ ընդօրինակելով «Վզաիմնո, Իլյա» երաժշտախմբի բնույթին:

Թատրոնի գեղարվեստական ղեկավարի ասելով, ներկայացումը հասցեագրված է նախ երիտասարդ հանդիսատեսներին, սակայն այն անհետաքրքիր չի լինի նաև ավագ սերնդի համար:

Ասենք, որ ներկայացումը կկայանա այսօր Մոսկվայի ավիացիայի ինստիտուտի մշակույթի պալատի 3-րդ բեմահարթակում:







Լուսանկարն՝ ըստ հղման աղբյուրի
    Դիտվել է 228 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ