Քաղաքակրթական ներուժը կեցության բարձրագույն արժեք է:

Դասականների առաքելությունը և սեփական վրեժը հին կամ նոր մեղքերի համար

03.29.2018

Ռիմաս Տումինասը Ռուսաստանի Մեծ թատրոնում բեմադրել է «Պիկովայա դաման»: Այս ներկայացումը իրականացված է առանց ցուցադրական նովացիաների, սակայն ընդգծված ժամանակակից շնչով: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Գործողության վայրը Պետերբուրգն է: Սակայն այդ զգացողության հետ մեկտեղ հանդիսատեսի առջև որևէ ձևով չպարփակված տարածություն է: Դա խորհրդանշական է այն առումով, որ ամեն ինչ կարող է պատահել ամենուրեք և միշտ: Ձայները ասես համբառնում են վերև, դեպի անսահմանություն:


Խաղացողի մասին ռոմանտիկական պատում: Նա, ակնհայտ է, փոխել է իր սերը երևութական ոսկու հետ: Գերմանը, թուղթ խաղացող է: Խաղացող բառն այսօր լայն շրջանառության մեջ է գտնվում: Այսպես հիմա անվանում են մարզիկներին, բիզնեսմեններին, քաղաքական գործիչներին և այլոց: Չայկովսկի-Պուշկին համահեղինակային ստեղծագործությունն այսօր ձեռք է բերել հրատապության բնութագիր:

Սովորաբար օպերային ներկայացումը երեկվա և վաղվա կոնֆլիկտ է, այսօրը սթափ գնահատելու մղումով: Օպերային բեմում կոմպոզիտորի և բեմադրիչի կամքի տիրույթում ակամա տեղի է ունենում մայսթերզինգերների (միջնադարյան գերմանական բյուրգերական խավից ելած աշուղների) յուրահատուկ մրցույթ: Այս ներկայացման մեջ պարտվողներ չկան: Բոլոր կերպարները սահմանային վիճակում են. սեր և դավաճանություն, ցանկությունների չափավորություն և կրքերի առատություն, երջանիկ հիշողություններ և անսպասելի մահ...

Ներկայացման յուրաքանչյուր կերպար ունի իր սյուժեն, իր առաքելությունը և սեփական վրեժը հին կամ նոր մեղքերի համար:

Հերոսների ճակատագիրը ողբերգական է, սակայն դրանք կանխատեսված են ոչ ճակատագրով, այլ նրանց արարքներով, ինչպես դա հաճախ պատահում է ռոմանտիկական երկերում:

Ինչպես և պահանջվում է ներկայացման երգչախումբը (տեղին կլիներ օգտագործել «խոր» բառը) բազմադեմ է և բազմաձայն: Միզանսցենները պլաստիկ խստությամբ հղկված են: Ինչպես անտիկ թատրոնում, երգչախումբը գործողության կարևոր մաս է, այն ցավում, ցավակցում և կերպավորում է...






Լուսանկարն՝ ըստ հղման աղբյուրի:
    Դիտվել է 862 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485>>հաջորդ
    Արխիվ ըստ ամիսների