Քաղաքակրթական ներուժը կեցության բարձրագույն արժեք է:

Դերասանները կարծես կենդանանում են 3D ձևաչափի նկարի տիրույթում

05.18.2018

- Մենք կարող ենք ասել. «Թատրոնն արվեստի տաճար է» և այսպես շարունակ, իսկ մրցակցային դաշտն՝ ահա այն»,- այսպես է գնահատել Նովոսիբիրսկ քաղաքի օպերայի և բալետի թատրոնում օրերս պատրաստված «Մոխրոտիկը» բալետի բեմադրության փաստը լույսի գծով նկարիչ Գլեբ Ֆիլշտինսկին: Այդ մասին տեղեկացնում է «taglur.am»-ը՝ հղում անելով «tvkultura.ru»-ին:

Բեմադրության նկարիչը պնդելով իր միտքը, որ թատրոնը այժմ գտնվում է մրցակցային դաշտում, բերում է հետևյալ օրինակը,- «Մենք երեխային հրավիրում ենք «Մոխրոտիկը» դիտելու«, իսկ նա պատասխանում է, որ ինքն արդեն դիտել է Դիսնեյի տարբերակը...

Բայց և այնպես Նովոսիբիրսկի թատրոնի վարագույրը բացվում է և հանդիսատեսի հայացքի ներքո հայտնվում են չար խորթ մայրը, նրա աղջիկները և Մոխրոտիկը...

Սերգեյ Պրոկոֆևի երաժշտության հիման վրա ստեղծված հայտնի բալետը 1945թ.-ին Ռուսաստանի Մեծ թատրոնում բեմադրվածի մեր օրերին բնորոշ ոճական առանձնահատկությունների արտահայտությունն է: Այստեղ մեծ տեղ է հատկացված ժամանակակից նորագույն տեխնալոգիաներին, որոնք կարծես թե ավելի են մեծացնում դասականի հրապույրը և խորեոգրաֆիայի բարձրագույն դրսևորումները:

Ներկայացումը վերականգնել է Սանկտ-Պետերբուրգի Միխայլովյան թատրոնի գլխավոր բալետմայստեր Միխայիլ Մեսսերերը: Այս դժվարին աշխատանքը կատարելիս նրան օգնության են հասել արխիվային նյութերը, հազվադեպ լուսանկարները և ավագ սերնդի արտիստների հիշողությունները...

«Այսօր դասական մեծ բեմադրությունների սով է զգացվում, որտեղ կիրառված կլինի բարդ պուանտային տեխնիկա, վիրտուոզ տղամարդկային պար»,- իր աշխատանքը կառուցելու մեկնակետը ներկայացրել է Մեսսերերը:

Այս ներկայացմանը մասնակցում է Նովոսիբիրսկի օպերայի և բալետի թատրոնի գրեթե ողջ բալետի խումբը: Պրեմիերային մասնակցելու են եկել նաև Սանկտ-Պետերբուրգի Միխայլովյան թատրոնի մենակատարներ:

Դերասանները կարծես կենդանանում են 3D ձևաչափի նկարի տիրույթում, համագործակցում են վիրտուալ դեկորացիաների հետ, որոնց մշակման համար մասնագետներից պահանջվել է մեկ տարի: Ամեն ինչ կառուցված է ճշգրիտ հաշվարկի վրա, իսկ պրոկոֆևյան հարմոնիան հատուկ էֆեկտներ ստեղծողները ստուգել են հանրահաշվային հաշվարկներով: Ամեն ինչ համապատասխանացվել է վայրկյանի ճշտությամբ: Եվ երաժշտությունը և լույսը հնազանդ են դիրիժորին:

Ժամանակակից տեխնոլոգիաները նովոսիբիրսկյան «Մոխրոտիկը» դարձրել են իրական կախարդական հեքիաթ:






Լուսանկարն՝ ըստ հղման աղբյուրի:
    Դիտվել է 58 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298>>հաջորդ