Քաղաքակրթական ներուժը կեցության բարձրագույն արժեք է:

Կիրառվել է առաջին անգամ և ոչ բոլոր հանդիսատեսներին է դուր եկել

06.18.2018


Օրերս Մոսկվայի Փոքր թատրոնում հանդիսատեսին է ներկայացվել Ռուսաստանի մշակույթի նախարար Վլադիմիր Մեդինսկու «Խառնակություն: 1609+1611թթ.» պատմական բեմադրությունը: Այդ մասին «iz.ru»*ի տեղեկատվությունը փոխանցում է «taglur.am»-ը:

Ծավալուն դեկորացիաներ, պատմական հագուստներ, հայրենասիրական նյութ և երկրի մշակույթի նախարարին պատկանող գրական հենքի հեղինակություն: Այս ամենը արդեն ուշադրություն գրավելու հայտանիշներ են:

Պատմական թեմաներ բեմադրելու նկատելի փորձ ունեցող Փոքր թատրոնի համար Ռուսաստանի պատմության խառնակ ժամանակներն առանձնահատուկ բովանդակություն ունեն: Դա արտահայտվել տարբեր ժամանակներ բեմականացված աշխատանքներում՝ Ալեքսեյ Տոլստոյի եռապատումը ( «Իվան ահեղ ցարը», «Ֆեոդար Իվանովիչ ցարը» և «Բորիս ցարը»), որը երկար ժամանակ եղել է այս թատրոնի այցեքարտը: Բացի այդ, այս ժամանակաշրջանին են վերաբերում թատրոնում բեմականացված Պուշկինի «Բորիս Գոդունովը», Օստրովսկու «Դմիտրի Ինքնակոչը և Վասիլի Շույսկին»:

Լեհաստանի թագավոր Սիգիզմունդ 3-րդը հարձակվում է Սմոլենսկի վրա: Նա հույս ունի այդ ամրոցի տակ ոսկի գտնել: Բայց քաղաքը գրոհով վերցնել նրան չի հաջողվում: Ռուս զորավար Շեինը Սիգիզմունդին դիմադրում է 2 տարի շարունակ: Այս ահեղ պայքարում ռուսական քաղաքի հույսը դառնում է հոգևոր առաջնորդ Սերգիյը: Որպեսզի պատերազմից տանջահար սմոլենսկցիները չհանձնվեն լեհերի գթասրտությանը և մինչև վերջին մարդը դիմադրեն հանուն իրենց հավատի, հոգևորական Սերգիյը համարձակվում է մեղք գործել....

Ներկայացման հիմքում Վլադիմիր Մեդինսկու «Պատը» վերնագրված վեպն է:

Արագ միմյանց հաջորդող նոր տեսարանների պատճառով ներկայացման դեկորացիաները հաճախակի փոփոխման ենթակա են: Դա տեխնիկապես իրականացնելը դժվար խնդիր է եղել թատրոնի համար: Այդ պատճառով բեմադրության հեղինակները օգնության են դիմել տեսատեխնիկային: Այս տեխնալոգիան Փոքր թատրոնում կիրառվել է առաջին անգամ և ոչ բոլոր հանդիսատեսներին է դուր եկել: Ակադենիիականության սովոր այս թատրոնում շատերը այդ ձևաչափով բեմադրությունը համարել են տուրք մոդային: Սակայն ներկայացման արագ զարգացող սյուժեի և տեսարանների արագ փոփոխության տեսանկյունից դա թերևս կարող է դիտարկվել նաև տեղին տեխնալոգիա:

Ասենք, որ բեմադրությանը մասնակցում է 50 դերասան: Նրանց համար, ընդհանուր առմամբ, կարվել է 100 հագուստ:

Ասենք նաև, որ իրեն հասանելիք հոնորարը Մշակույթի նախարարը նվիրել է նույն այդ Սմոլենսկ քաղաքի ամրոցի վերականգնման հիմնադրամին:







Այս թեմայով այլ հղումներ-1
Այս թեմայով այլ հղումներ-2
    Դիտվել է 14 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290>>հաջորդ