Քաղաքակրթական ներուժը կեցության բարձրագույն արժեք է:

Արդյունքում ծնվում է կիսաստված Հերակլեսը...

10.10.2018

Պետերբուրգում ընթացող «Բալթիական տուն» 18-րդ միջազգային թատերական փառատոնի շրջանակներում կայացել է «Vaba Lava» («Ազատ բեմ») թատերական կենտրոնի շնորհանդեսը: Այդ մասին տեղեկացնում է «taglur.am»-ը՝ հղում անելով «rg.ru»-ին:

«Vaba Lava» նախագիծն, ընդհանրապես, մեկնարկել է Էստոնիայի մայրաքաղաք Տալինում՝ 2014թ.-ին: Այն այսօր բավականին հայտնի ծրագիր է, որն իրենից ներկայացնում է մի համակարգ, երբ թատերական կենտրոնը չի ունենում իր սեփական թատերախումբը և ռեժիսորը, բայց զեղջային պայմաններով գործում է ուրիշ կատարողների համար, հատկապես օժանդակելով փոքր և մասնավոր թատրոններին՝ նրանց վարձով տրամադրելով շենքային պայմաններ:

«Vaba Lava» նախագծի շրջանակներում պետերբուրգյան կենտրոնը կգործի էստոնական և ռուսական սահմանամերձ Նարվա քաղաքում: Այն համագործակցություն կծավալի տարբեր երկրների դերասանների և ռեժիսորների՝ առաջին հերթին, անշուշտ, ռուսաստանցիների հետ:

«Բալթիական տուն» 18-րդ միջազգային փառատոնի շրջանակներում այստեղ ցուցադրվել է ռուսաստանցի ռեժիսոր Դամիր Սալիմզյանովի «Հիմա սիրո ժամանակ չկա» բեմադրությունը, որտեղ հիմնականում զբաղված են էստոնացի դերասաններ, որոնց խոսքը ռուսալեզու հանդիսասրահը ունկնդրում է ականջակալներով, իսկ թարգմանչի դերում էլ հանդես է գալիս ներկայացման ռեժիսորը:

Ներկայացումը ռեժիսորի սեփական խոսքերով բրազիլացի հայտնի դրամատուրգ Գիլերմե Ֆիգեյրեդոյի «Տանը գիշերել է Աստված» պիեսի վերաշարադրանքն է, որի հիմքում ընկած է հին հունական լեգենդը Ամֆիտրիոն զորավարի մասին: Այս զինվորականը հունական Թեբե քաղաքի զինվորներին առաջնորդում է թելեբեյցիների ճակատամարտի ժամանակ: Եվ մինչ նա իր սխրանքներն էր գործում մարտադաշտում, Զևս աստվածը գիշերն անցկացնում է նրա կնոջ՝ Ալքմենայի հետ, որի արդյունքում ծնվում է կիսաստված Հերակլեսը:

Ռուսաստանցի ռեժիսորը այս ներկայացման մեջ հիմնական շեշտը դրել է սովորական կյանքային այնպիսի հարցադրումների վրա, ինչպիսիք են՝ տղամարդու խանդը, տղամարդու պարտքը, ամուսնական փոխընբռնումների նրբությունները, կնոջ փառամոլությունը, կարիերայի սանդուղքով բարձրանալը և այլն: Այսպես, արխայիկ ժամանակաշրջանի պատմությունը դառնում է այսօրվա մարդուն հասկանալի և ըմբռնելի:

«Բալթիական տուն» 18-րդ միջազգային թատերական փառատոնը մեկնարկել է հոկտեմբերի 2-ին և կեզրափակվի հոկտեմբերի 13-ին:

    Դիտվել է 6 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300>>հաջորդ