Քաղաքակրթական ներուժը կեցության բարձրագույն արժեք է:

Հացի օրապահիկը փոխանակել է Մոլիերի «Միզանտրոպ» գրքի հետ

11.20.2018


Սանկտ-Պետերբուրգում օրերս կայացած Միջազգային մշակութային ֆորումի և Եվրոպական թատերական մրցանակաբաշխության շրջանակներում իտալացի դերասան և ռեժիսոր Տոնի Սերվիլլոն ներկայացրեց իր «Էլվիրա» ներկայացումը: Այդ մասին տեղեկացնում է «taglur.am»-ը՝ հղում անելով «iz.ru»-ին:

Տեքստի հեղինակ Բրիջիդ Ժակը անդրադառնում է երկրորդ համաշխարհային պատերազմի ժամանակ ֆաշիստական զորքերի կողմից օկուպացված Փարիզում ֆրանսիացի մեծ դերասան Լուի Ժուվեի պարապմունքներին, որոնք նա անցկացնում էր Դրամատիկական արվեստի կոնսերվատորիայում: Բեմադրությունը ամբողջությամբ ներկայացնում է իր աշակերտուհու հետ Մոլիերի «Դոն Ժուան» պիեսի մի դրվագի փորձերը: Դա այն պահն է, երբ երկնային շնորհով ներշնչված Էլվիրան գալիս է գլխավոր հերոսի մոտ՝ նրան կոչ անելով զղջալ և քավել մեղքերը: (Էլվիրային մարմնավորող Ժուվեի աշակերտուհուհու անունը Կլաուդիա է):

Սերվիլլոյի Ժուվեն այս ներկայացման մեջ, ասես սառը մարմարե Գալատեային դեպի կենդանություն առաջնորդող մի նոր Պիգմալիոն, Կլաուդիայի հետ աշխատելու ընթացքում, փորձից-փորձ, նրա մեջ ավելացնում է ինչ-որ մի նոր բան, հիանում է նրանով, թեև ոչ մի անգամ գոհ չի մնում...

Ներկայացման մեջ պատերազմի մասին որևէ բառ չի արտաբերվում: Բայց ներկայացումը պատերազմին դիմադրելու արտահայտություն է, որտեղ չկա պաթոս, սակայն կա պատերազմին ընդդիմանալու առօրյա:

Իհարկե 1940թ.-ի Էլվիրան հավաստիացնում էր, որ արվեստը կարող է պատերազմին այլընտրանք լինել:

Եվ այս առթիվ մի հետաքրքիր փաստ: Այն տարիներին սղագրուհի Շառլոտա Դելբին, որը գրի է առել Ժուվեի պարապմունքները, ֆաշիստների կողմից գերեվարվել և նետվել է համակենտրոնացման ճամբար: Այնտեղ նա իր հացի օրապահիկը փոխանակել է Մոլիերի «Միզանտրոպ» գրքի հետ և այն կարդալով մարզել է հիշողությունը: Դա նրան օգնել է ողջ մնալ:






Լուսանկարն՝ ըստ հղման աղբյուրի:

Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
    Դիտվել է 18 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ