Քաղաքակրթական ներուժը կեցության բարձրագույն արժեք է:

Oպերան ստեղծվել է հենց այդ օպերայի հիման վրա

11.25.2018

1915թ.-ին լուսաշխարհ եկած ռուսական ավանգարդիզմի հայտնի «Սև քառակուսի» կտավի առաջին տարբերակն իր մշտական ցուցասրահից այսօր կտեղափոխվի Մոսկվայի Նոր Տրետյակովյան պատկերասրահի մեկ այլ տարածություն, որտեղ ներկայացվելու է կոմպոզիտոր Իլյա Դեմուցկու «Սև քառակուսու համար» օպերայի պրեմիերան: Այդ մասին տեղեկացնում է է «taglur.am»-ը՝ հղում անելով «TASS»-ին:

Բեմադրության հեղինակները նշել են, որ Կազիմիր Մալևիչի գլուխգործոցը, «համաշխարհային արվեստի գլխավոր նկարներից մեկը» վերադարձնում են թատերական տարածություն:

Առաջին անգամ «Սև քառակուսին» որպես դեկորացիա հայտնվել է կոմպոզիտոր Միխայիլ Մատյուշինի և բանաստեղծ Ալեքսեյ Կրուչենիխի 1913թ.-ի դեկտեմբերի 3-ին Սանկտ-Պետերբուրգում բեմադրված «Հաղթանակ արևի նկատմամբ» ֆուտուրիստական օպերայում:

«Սև քառակուսու համար» օպերան ստեղծվել է հենց այդ օպերայի հիման վրա: Բեմադրությունը ներկայացվելու է անգլերեն լեզվով՝ ռուսերեն թարգմանված սուբտիտրերի ուղեկցությամբ:

Նախատեսվում է, որ այսօրվա մեկնարկից հետո մոսկովյան առաջնախաղերը կշարունակվեն մինչև նոյեմբերի 28-ը և տոմսերի վաճառքից ձևավորված հասույթի 10 տոկոսը կփոխանցվի «Նվիրիր կյանք» բարեգործական հիմնադրամին: 2019թ.-ին օպերայի ստեղծագործական խումբը կմեկնի համաշխարհային շրջագայության:

Դեմուցկին ռուսաստանցի ժամանակակից հայտնի կոմպոզիտոր է, «Ոսկե դիմակ» փառատոնի դափնեկիր: Նա 150 երաժշտական ստեղծագործությունների հեղինակ է, որոնք պարբերաբար, բացի ռուսականը, հնչեցվում են նաև Եվրոպայի, Ամերիկայի և Ավստրալիայի տարբեր բեմահարթակներում: Դեմուցկու երկու ստեղծագործությունները՝ «Մեր ժամանակի հերոսը» և «Նուրեև» բալետները այսօր ընդգրկված են Ռուսաստանի Մեծ թատրոնի խաղացանկում:

Ի դեպ, այս թատրոնի գլխավոր տնօրեն Վլադիմիր Ուրինը հայտարարել է, որ Դեմուցկին իրենց պատվերով գրում է նոր օպերա՝ ըստ Ալեքսանդր Գրինի «Փայլփլուն աշխարհ» ստեղծագործության:






Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;
Հեռ.: 099.31.74.60
էլ. Փոստ: taglur@yahoo.com
    Դիտվել է 14 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309>>հաջորդ