Քաղաքակրթական ներուժը կեցության բարձրագույն արժեք է:

Գրասենյակին վերաբերվում է որպես թանգարանի, սակայն մտադիր է հիմնովին բարենորոգել թատրոնը

11.20.2013

Այսօր Սանկտ Պետերբուրգի «Լենսովետի թատրոնը» նշում է իր 80 ամյակը:

Ուղիղ 8 տասնամյակ առաջ Մեյերհոլդի աշակերտ Իսահակ Կրոլլի ղեկավարությամբ մի խումբ դերասաններ բեմադրեցին «Կատաղի փողեր» ներկայացումը: Հենց այս բեմադրությամբ էլ ընդունված է նշել «Նոր թատրոնի» ծննդյան օրը: Այն մինչև 50-ականները հենց այդպես էլ կոչվում էր՝ «Նոր թատրոն»: Տարբեր տարիներ այն ղեկավարել են Նիկոլայ Ակիմովը և Իգոր Վլադիմիրովը:

Հոբելյանական երեկոն, ի դեպ, թատրոնի ստեղծագործական խմբի ձևավորման մեջ մեծ ավանդ ներդրած Վլադիմիրովի հիշողությունների գրքի նմանությամբ կոչվում էր «Ինչպես նկարել թռչուն…»:

Թեև Իգոր Վլադիմիրովը թատրոնի հիմնադրումից 30 տարի հետո է կոլեկտիվին անդամագրվել, բայց, բոլորի միաձայն կարծիքով, հենց նա է արարել «Լենսովետի թատրոնը»: Թատրոնի այսօրվա բոլոր վաստակավոր և ժողովրդական արտիստները նրա աշակերտներն են:

Թատրոնի դերասան Միխայիլ Բոյարսկու խոսքերով այս թատրոնի երաժշտական ներկայացումները և մյուզիքլները մեծ հռչակ ունեին երկրում: Երգող արտիստները այստեղ զարգացրին այն ժամանակների համար հեղափոխական համարվող այդ ժանրը թատրոնում:

Արդեն երկու տարի է ինչ Վլադիմիրովի աշխատասենյակը տրամադրվել է Յուրի Բուտուսովին: Նա ոչինչ չի փոխում այնտեղ և վերաբերում է սենյակին, ինչպես թանգարանի: Ինչ վերաբերում է թատրոնին, ապա Բուտուսովը մտադիր է այն այս տարի շատ լրջորեն բարենորոգել:

Այսօր շատ դժվար է վառվռուն և երիտասարդ դերասաններին բեմահարթակի վրա պահելը: «Լենսովետի թատրոն»-ից Մոսկվա են տեղափոխվել Պորեչնիկովը և Խաբիենսկին: Շատերին գրավել են սերիալների նկարահանումները: Թատրոնում հույս ունեն, որ նոր սերունդն իր ժամանակից ավելի մեծ հատված կնվիրաբերի բեմին: «Նրանք տարբերվում են իրենց բացարձակ ներքին ազատությամբ: Նրանք չունեն որևէ ներքին արգելակ, սակայն նրանց սպասում են քասթինգների գայթակղությունները»,- ասում է Ռուսաստանի ժողովրդական արտիստ Աննա Ալեքսախինան:
    Դիտվել է 612 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337>>հաջորդ