Քաղաքակրթական ներուժը կեցության բարձրագույն արժեք է:

Պատմությունը հանում է սովորական ըմբռնումներից և մելոդրամատիզմից

05.13.2019

Նախօրեին, մայիսի 12-ին, Մոսկվայի Պուշկինի անվան թատրոնում բեմադրության մեկ անգամյա ցուցադրությամբ նշել են Աննա Ֆրանկի ծննդյան 90-ամյակը: Դա այն աղջնակն է, որը ֆաշիստական Գերմանիայի վերջնական ջախջախումից մի քանի օր առաջ տիֆից մահացավ համակենտրոնացման ճամբարում՝ ապրողներին թողնելով իր պատմական օրագիրը, որի հիման վրա մարդիկ պետք է հասկանային, թե ինչ հակամարդկային երևույթներ են պատերազմը, մարդատյացությունը և ռասիզմը:

Հրեա աղջկա հայտնի օրագրի հիման վրա ռեժիսոր Սեմյոն Սերզինը մտահղացել է ստեղծել «Ռոք-օրատորիա»: «Ռոք: Աննա Ֆրանկի օրագիրը» վերնագրով նախագիծն իրականացնելու համար թատրոնը համագործակցել է «Աուկցիոն» ռոք համույթի հետ:

Այն, ինչը ստացվել է այդ համագործակցության արդյունքում, ռեժիսորը անվանել է «օրհներգ»: Օրհներգ իրականի մասին, որի երաժշտությունը Աննա Ֆրանկի օրագրերում ներկայացված պատմությունը հանում է սովորական ըմբռնումներից և մելոդրամատիզմից:

«Սա, պարզապես, հոլոքոսթի պատմություն չէ»,- նշել է ռեժիսորը և ընդգծել, որ իրենց մեկանգամյա ներկայացումը մարդու պատմություն է:

Այդպիսի մեկանգամյա ակցիա-ներկայացում ստեղծելու գաղափարը թատրոնի առաջատար դերասանուհի Վիկտորիա Իսակովայինն է, որի վրա ինչ-որ ժամանակ Աննա Ֆրանկի օրագիրը ուժեղ տպավորություն է թողել:

Երաժշտության հեղինակը գիթառիստ և կոմպոզիտոր Նիկոլայ Բիչանինն է, որը նաև հաջողությամբ կարողացել է «Աուկցիոն» համույթի մի շարք երգերի հիման վրա գտնել ներկայացմանը համահունչ երաժշտական մոտիվներ:

Ստացվել է էներգիա փոխանցող ներկայացում, որի կենտրոնում աղջնակն է, որը շատ է ցանկանում ապրել, ստեղծել և ի հակադրություն պատերազմի, հավատալ լավագույն ապագային...



    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 70 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339>>հաջորդ