Քաղաքակրթական ներուժը կեցության բարձրագույն արժեք է:

Կներկայացվի այն պիեսը, որը գրաքննության պահանջով հանվել է խաղացանկից

06.20.2019


Մոսկվայի Չեխովի անվան գեղարվեստական թատրոնում (МХТ) 2019թ.-ի ամռան առաջին օրը մեկնարկեց «Տեղի հիշողություն» նոր նախագիծը՝ նվիրված մշակութային հաստատության պատմությանը և ավանդույթներին: Այդ մասին տեղեկացնում է «taglur.am»-ը՝ հղում անելով «teatral-online.ru»-ին:

Նախագիծը մեկնարկել է հունիսի 1-ին՝ Ալեքսեյ Տոլստոյի «Ցար Ֆյոդոր Իվանովիչ» պիեսի բեմական ընթերցանությամբ: Սա ռուս դասականի այն պիեսն է, որի բեմադրությամբ 1898թ.-ին բացվել է МХТ-ն: Իսկ առաջիկայում այս ձևաչափով հանդիսատեսին սպասում է ևս մեկ հետաքրքիր անակնկալ. Հունիսի 23-ին արտիստները նրանց համար կընթերցեն 19-20-րդ դարերի գերմանացի դրամատուրգ Գերհարդ Հաուպտմանի «Գաննելե» պիեսը:

Հաուպտմանի այդ ստեղծագործությունը պետք է դառնար 1898թ.-ին МХТ-ի բացման առթիվ ներկայացվող երկրորդ բեմադրությունը, որը միստիկական պատմություն է մի աղքատ աղջկա մասին: Պիեսի հերոսուհին սպասում է մահվանը՝ որպես երկրային տանջանքներից ազատվելու ուրախության և տոնի:

Այս բեմադրության հետ թատրոնը մեծ հույսեր էր կապում, սակայն բառացիորեն գլխավոր փորձի օրը, եկեղեցական գրաքննության պահանջով, արդեն պատրաստի ներկայացումը հանվեց խաղացանկից: Սրանից հետո Հաուպտմանի շատ գործեր են բեմադրվել МХТ-ում, բայց «Գաննելե» պիեսին թատրոնը, հետագայում, այդպես էլ երբևէ չի անդրադարձել:

«Տեղի հիշողություն» նոր նախագիծը՝ ձևաչափով թատերականացված ընթերցում է: Հիմնականում ներկայացվում են МХТ-ի համար նշանակալից համարվող այն պիեսները, որոնք ինչ-որ ձևով կապված են հաստատության պատմության այս կամ այն փուլի հետ:

«Սա փորձ է դիտարկելու և պարզելու, թե ինչպես է նորարարությունը վերածվում ավանդության»,- նշել է նախագծի հեղինակ և ռեժիսոր Մարինա Բրուսնիկինան:

Վերջին տարիներին МХТ-ը թատերականացված ընթերցումներով ներկայացրել է ժամանակակից դրամատուրգների ստեղծագործությունները: Իսկ հիմա այստեղ մտածել են, որ թատերասերներին, և հատկապես երիտասարդներին, նույն ձևաչափով կարող են ներկայացնել նաև գործեր, որոնք էական դեր են ունեցել իրենց թատրոնի կայացման մեջ:






Լուսանկարն՝ ըստ հղման աղբյուրի:


    Մշակույթը նվիրյալի գործ է, իսկ մշակույթի նվաճումներին հանրությանը ծանոթացնելը քաղաքացիական պարտք: Թղթակցեք «Թագլուր» կայքին;

    Հեռ.: 099.31.74.60
    էլ. Փոստ: taglur@yahoo.com

    Դիտվել է 25 անգամ
    123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335>>հաջորդ